ពិតជាពូកែមែន!!! ចៅស្រីទាំងពីររបស់ សម្តេច តេជោ ហ៊ុន សែន ពេលនេះទទួលបានពានមាសទាំងពីរនាក់តែម្តង

បើយោងតាមការបង្ហោះរូបភាពក៏ដូចជាសារក្នុងហ្វេសប៊ុកផេកមួយដែលមានឈ្មោះថា Cambodian Youth Will - ឆន្ទះយុវជនកម្ពុជា ពីចៅស្រីរបស់សម្តេច ហ៊ុន សែន ដែលបានពានមាសទាំងពីរនាក់តែម្តង ដោយក្នុងនោះហ្វេសប៊ុកមួយនេះបានបញ្ជាក់ថា៖

"សូមអបអរសាទរចៅស្រីទាំង២ របស់សម្ដេចតេជោ​ ហ៊ុនសែន​ និង​ សម្ដេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុន​ សែន​ ជាកូនស្រីបង្កើតរបស់​ឯកឧត្ដម​បណ្ឌិត​ ហ៊ុន​ ម៉ាណែត​ និង​ លោកជំទាវ​ ពេជ​ ចន្ទមុន្នី​ ដែល​មានសមត្ថភាពខ្ពស់​ ប្រលងតន្ត្រី Asia pacific arts festival ជាប់បាន​ពានមាស​ទាំង២នាក់តែម្តង ក្នុងចំណោមសិស្សពូកែជាច្រើនទៀត ៕"

គួររំលឹកឡើងវិញផងដែរថា ចៅស្រីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា គឺកុមារី ហ៊ុន ពេជម៉ូនីលីណា ក៏ទើបតែប្រឡងគណិតវិទ្យាជាប់ចំណាត់ថ្នាក់លេខ១ នៅតំបន់អាស៊ី ជាមួយលំដាប់ពិន្ទុ ២,៣៥០ពិន្ទុ ក្នុងចំណោមសិស្ស១០០នាក់ផងដែរ។

ការប្រឡងគណិតវិទ្យាដែលធ្វើឡើងតាមរយៈកុំព្យូទ័រនេះ មានសិស្សចូលរួមប្រកួតប្រជែងរាប់រយនាក់មកពីបណ្តាប្រទេសក្នុងតំបន់អាស៊ី។ ទីបំផុតកុមារី ហ៊ុន ពេជម៉ូនីលីណា បានទទួលបានចំណាត់ថ្នាក់លេខ១ ជាមួយលំដាប់ពិន្ទុខ្ពស់ជាងគេ ខណៈអ្នកឈរលេខរៀងបន្ទាប់មកពីប្រទេសចិន ជាមួយពិន្ទុ ១២០០ពិន្ទុប៉ុណ្ណោះ។

កុមារី ហ៊ុន ពេជម៉ូនីលីណា គឺជាកូនស្រីទី២ របស់ឧត្តមសេនីយ៍ឯក ហ៊ុន ម៉ាណែត និងលោកស្រី ពេជ ចន្ទមុន្នី។ ការដណ្តើមបានចំណាត់ថ្នាក់លេខ១ របស់កុមារី ហ៊ុន ពេជម៉ូនីលីណា គឺជាមោទនភាពមួយផងដែរសម្រាប់កុមារកម្ពុជា ហើយក៏ជាបង្ហាញថា កុមារកម្ពុជា មានសមត្ថភាពខ្ពស់មិនចាញ់បណ្តាប្រទេសដែលល្បាញល្បី និងជឿនលឿននោះឡើយ។ ជោគជ័យនេះក៏បានបង្ហាញថា កម្រិតនៃការអប់រំរបស់កម្ពុជានាពេលបច្ចុប្បន្នកំពុងតែមានភាពល្អប្រសើរផងដែរ៕