បទ «ស្នេហ៍ខ្ញុំខុសអ្វី ?» ដែលដឹកនាំសម្តែងដោយ កញ្ញា ដេននី ក្វាន់ បានចេញផ្លូវការហើយ (មានចម្រៀង)

បន្ទាប់ពីការទម្លាយ Trailer របស់បទ  «ស្នេហ៍ខ្ញុំខុសអ្វី ?» ហើយវាក៏ជាបទ Original ផងដែរ ជាសំនៀងដំបូងរបស់លោក គីម សាន ដែលត្រូវបានមហាជនទូទៅ ស្គាល់គ្រប់គ្នាថា ជាប្អូនប្រុសបង្កើតរបស់តារាសម្តែងស្រី រូបស្រស់ កញ្ញា ដេននី ក្វាន់ នៅលើបណ្តាញសង្គមយូធូប និងហ្វេសប៊ុក កាលពីថ្មីៗនេះ ឃើញថា បច្ចុប្បន្នមានមហាជនជាច្រើន បាននឹងកំពុងគាំទ្រ។ មិនតែប៉ុណ្ណោះក៏មានខ្លះទៀតរង់ចាំដោយអន្ទះសារ នូវការចេញ MV ផ្លូវការផងដែរ។

តែអ្វីដែលទស្សនិកជនកំពុងរងចាំនោះ ពិតជាមិនខកបំណងឡើយ ដោយពេលនេះ បទ «ស្នេហ៍ខ្ញុំខុសអ្វី ?» បានចេញជាផ្លូវការហើយ។ ចំពោះអត្ថន័យ និងសាច់រឿងបទ Original Song «ស្នេហ៍ខ្ញុំខុសអ្វី?» ពីសំណាក់តារាចម្រៀងជំនាន់ថ្មី លោក គីម សាន ដែលទើបត្រូវបានបង្ហោះនៅលើបណ្តាញសង្គមកាលពីម្សិលមិញនេះតែម្តង ដោយអត្ថន័យបទចម្រៀងនេះគឺរៀបរាប់ជុំវិញជីវិតស្នេហា រវាងបុរស និងបុរសដែលអាចចាត់ទុកថា ជាស្នេហាផ្ទុយពីច្បាប់ធម្មជាតិ។

បទ «ស្នេហ៍ខ្ញុំខុសអ្វី?» ក៏ជាការចូលរួមដឹកនាំសម្តែង សាច់រឿងដោយតារាសម្តែងស្រី កញ្ញា ដេននី ក្វាន់ បងស្រីបង្កើត លោក គីម សាន ផងដែរ។ ដូចនេះដើម្បីបានដឹងពីអត្ថន័យ នៃសាច់រឿងបទនេះពិសេសយ៉ាងណា នោះសូមទស្សនាដូចខាងក្រោមនេះទាំងអស់គ្នា៖