ពិតជាសាហាវណាស់!!! តាមស្រឡាញ់គេមិនបាន ក៏សម្រេចចិត្តអារ.ក គេសម្លាប់ចោលតែម្តង តែចេះសំណាងមិនស្លាប់ (មានវីដេអូ)

រាជធានីភ្នំពេញ៖ មានហេតុការណ៍មួយដ៏សាហាវបំផុត ដែលបង្កឱ្យមានការភ្ញាក់ផ្អើលជាខ្លាំងកាលពីវេលាម៉ោង៥ល្ងាច ថ្ងៃទី១៨ ខែកុម្ភៈ ឆ្នាំ២០១៨ នៅមុខសណ្ឋាគារបាលី ស្ថិតក្នុងភូមិទ្រុងមាន់ សង្កាត់អូរបែកក្អម ខណ្ឌសែនសុខ ដោយបុរសម្នាក់ត្រូវបានប្រជាពលរដ្ឋ រួមទាំងរថយន្តអ្នកធ្វើដំណើរនាំគ្នាដេញតាមបុក បន្ទាប់ពីបុរសរូបនេះបានអារ.កសម្លាប់ស្ត្រីជាសង្សារបស់ខ្លួន។

បើតាមសេចក្តីរាយការណ៍ប្រាប់ឲ្យដឹងថា បុរសខាងលើឈ្មោះ ភាព ម៉ក អាយុ២៤ឆ្នាំ មុខរបរជាកម្មករសំណង់ មានទីលំនៅឋានស្ថិតនៅភូមិ-ឃុំកើតហេតុខាងលើ ចំណែកស្ត្រីរងគ្រោះឈ្មោះ ខាត់ សុដា អាយុ២៨ឆ្នាំ មុខរបរជាកម្មករសំណង់តង់ហ្វាន ស្នាក់នៅក្នុងសង្កាត់អូរបែកក្អម ក្បែរកន្លែងកើតហេតុខាងលើ ព្រោះស្ត្រីរងគ្រោះត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យព្រះកុសុមៈ ។

ប្រភពពីកើតហេតុបានឱ្យដឹងថា មុនពេលកើតហេតុ គឺនារីរងគ្រោះកំពុងផឹកស៊ីច្រៀងជាមួយមិត្តភក្តិនៅកន្លែងកើតហេតុ ស្រាប់តែជនដៃដល់ដែលតាមស្រឡាញ់នារីម្នាក់រងគ្រោះនោះបានមកចាប់អារ.កសម្លាប់តែម្តង។ ហើយបើតាមសម្តីរបស់នារីរងគ្រោះបានឱ្យដឹងថា នាងមិនបានស្រឡាញ់ជនដៃដល់នោះទេ គឺបុរសរូបនេះតាមស្រឡាញ់សុំស្នេហ៍នាង តែនាងមិនព្រម ហើយនៅថ្ងៃកើតហេតុ ខណៈនាងកំពុងផឹកស៊ីជាមួយមា មីងនៅសំយ៉ាបផ្ទះក្រៅផ្ទះ ស្រាប់តែជនដៃដល់យកកាំបិតមកចាប់នាងបោកសក់ រួចអារ.កតែម្តង។ ក្រោយពេលកើតហេតុ ជនសង្ស័យត្រូវបានកម្លាំងកងរាជអាវុធហត្ថនាំយកទៅសាកសួរ និងកសាងសំណុំរឿងរួចហើយផងដែរ៕