មានរឿងដ៏អស្ចារ្យទៀតហើយ!!! រាជរដ្ឋាភិបាលកម្ពុជា សម្រេចឲ្យបង្កើតឧទ្យានជាតិសមុទ្រកោះរ៉ុង ហើយ

ភ្នំពេញ៖ រដ្ឋាភិបាលកម្ពុជានៅថ្ងៃទី៨ ខែកុម្ភៈ ឆ្នាំ២០១៨ នេះ បានសម្រចបង្កើតឧទ្យានជាតិកោះរ៉ុងដើម្បីធានាការថែរក្សា និងការពារសោភណភាពធម្មជាវប្បធម៌ប្រព័ន្ធអេកូឡូស៊ី និងជីវចម្រុះលើកោះ និងបរិវេណសមុទ្រជុំវិញ។ នេះបើតាមអនុក្រឹត្យនៅថ្ងៃនេះ។

បើតាមអនុក្រឹត្យទីតាំងនៃឧទ្យានជាតិនោះរួមមាន៖ កោះរ៉ុង កោះរ៉ុងសន្លឹម កោះកូន កោះតូច កោះតាទៀម កោះម្ចាស់ក្រៅ កោះម្ចាស់ក្នុង និងសមុទ្រជុំវិញ ដែលមានផ្ទៃសរុប ៥២៤៤៨ ហិកតា ក្នុងភូមិសាស្ត្រខេត្តព្រះសីហនុនិងខេត្តកោះកុង ដែលក្នុងនោះផ្ទៃដីមាន ៥៣១១ ហិកតានិងផ្ទៃទឹកសមុទ្រទំហំ ៤៧១៣៧ ហិកតា។

យ៉ាងណាក៏ដោយឧទ្យានជាតិសមុទ្រនេះមិនរាប់បញ្ចូលដីកម្មសិទ្ធិឯកជននិងដីប្រើប្រាស់ជាប្រយោជន៍សាធារណៈទេ។ នេះបើតាមអនុក្រឹត្យដដែល៕