លោកតា វុិចទ័រ បង្ហោះសារដ៏សោកស្តាយមួយចំពោះទង្វើរមិនល្អរបស់ខ្លួន ដែលបានធ្វើដាក់កូនស្រី នីឡា

ប្រហែលជាប៉ុន្មានម៉ោងមុននេះគេឃើញក្នុងហ្វេសប៊ុកផ្លូវការមួយរបស់លោកតាវុិចទ័រ ឈ្មោះ Rithy Sovann គាត់បានបង្ហោះសារមួយចំនួនដែលលាយឡំជាមួយរូបភាពដែលកូនស្រីនីឡា បានចូលពេទ្យ ដោយក្នុងនោះលោកក៏បានសរសេរសារសោកស្តាយមួយចំនួនផងដែរ ចំពោះទង្វើរមិនល្អរបស់លោកដែលបានធ្វើដាក់កូនស្រីនីឡា ដោយក្នុងនោះលោកសរសេរថា៖

"នីឡាឆាប់បានធូស្បើយណាកូន។
ប៉ាស្តាយណាស់ ពីម្សិលមិញប៉ាស្រែក គំហកដាក់កូនពេកថតរឿង។ តាមបទពិសោធន៏ ប៉ាមិនដែលស្រែកសំឡុតតួទេ។ ប៉ាម៉ាក់ស្រលាញ់កូន! ឆាប់ជាណាមីកំពូលរបស់ ប៉ា ម៉ាក់!"

គួររំលឹកឡើងវិញផងដែរថា ប្រហែលជាមានប្រិយមិត្តភាគច្រើនបានជ្រាបច្បាស់ហើយថា លោក សុវណ្ណ រិទ្ធី ហៅ លោកតា វ៉ិចទ័រ ផលិតករកម្មវិធីកម្សាន្តរបស់ស្ថានីយទូរទស្សន៍ស៊ីធីអ៊ិន បានដឹកដៃកូនស្រីចូលប្រឡូកក្នុងវិស័យសិល្បៈយ៉ាងជោគជ័យរួចទៅហើយគឺកញ្ញា វ៉ាន់ នីឡា ដែលបច្ចុប្បន្ននាងក្ដោបបានប្រជាប្រិយភាពយ៉ាងច្រើនពីមហាជន។

ដោយឡែកបើងាកទៅមើលកូនប្រុសពៅរបស់អ្នកចាត់ការខាងលើ ដែលមានឈ្មោះថា វ៉ាន់ គាវីន វិញ ហាក់មិនមានចំណង់ចំណូលចិត្តដើរតាមគន្លងឪពុក និង បងស្រីប្រឡូកក្នុងវិស័យសិល្បៈទាល់តែសោះ ទោះបីជាគេ មានរូបរាងខ្ពស់ មុខមាត់ស្រស់សង្ហាស្រាប់ក៏ដោយ ។

បើយោងតាមការលើកឡើងរបស់លោកតា វ៉ិចទ័រ ផ្ទាល់កាលពីពេលថ្មីៗនេះបានបង្ហាញកាន់តែជាក់លាក់ថា កូនប្រុសពៅរបស់លោកគឺគ្មានចំណង់ចំណូលចិត្តចាប់យកអាជីពសិល្បៈដូចលោក និង កូនស្រី វ៉ាន់ នីឡា នោះទេ ដោយបំណងប្រាថ្នាធំបំផុតរបស់គេនៅថ្ងៃអនាគតគឺធ្វើជាអ្នកបើកយន្តហោះ ។

កន្លងមកលោក សុវណ្ណ រិទ្ធី ហៅលោកតា វ៉ិចទ័រ ក៏ធ្លាប់បានបង្ហើបខ្លះៗពីមហិច្ជតារបស់កូនប្រុសពៅដល់សាធារណជនថាចង់ក្លាយជាអ្នកបើកយន្តហោះផងដែរ គ្រាន់តែពេលនេះ លោកបានបញ្ជាក់កាន់តែច្បាស់ពីក្ដីស្រមៃរបស់កូនប្រុស ។ ដោយការស្រឡាញ់ផ្នែកនេះ អ្នកចាត់ការទូទៅដ៏ល្បីខាងលើ បានសុំឱ្យកូនប្រុសប្រឹងប្រែងរៀនសូត្រដើម្បីសម្រេចក្ដីបំណងរបស់ខ្លួន ៕