ប្លែកៗទៀតហើយ!!! តើបំណងប្រាថ្នារបស់ កញ្ញា វ៉ាន់ វល័ក្ខ នឹងបានសម្រេចអត់ បន្ទាប់ពីទៅស្រោចទឹកហើយ?

កញ្ញា វ៉ាន់ វល័ក្ខ ជាតារាសម្ដែងម្នាក់ដែលទស្សនិកជនបានស្គាល់នាងយ៉ាងច្បាស់តាមរយៈការបង្ហាញរូបភាពសិចស៊ីមួយចំនួន ពិសេសការសម្ដែងនៅក្នុងរឿងភាគតាមស្ថានីយទូរទស្សន៍។ បន្ទាប់ពីការងារសិល្បៈ មានភាពមមាញឹកហើយនោះ ថ្មីៗនេះ នាងបានទៅស្រោចទឹក ដើម្បីជ្រះចង្រៃ លើករាសី ខណៈបច្ចុប្បន្ន ស្រីស្អាតសម្រស់បានម្នាក់នេះ ហាក់មានប្រជាប្រិយភាពខ្លាំង ដោយបានបង្ហាញមុខក្នុងរឿងភាគខ្មែរជាច្រើន។ យ៉ាងណាមិញ ស្របពេលជាមួយគ្នានេះ នាងក៏បានបួងសួងឲ្យឆាប់មាន Crush ឆាប់ៗផងដែរ។

ដោយក្នុងនោះកញ្ញា វ៉ាន់ វល័ក្ខ បានសរសេរសារមួយចំនួនក្នុងហ្វេសប៊ុកផ្លូវការរបស់នាងថា៖ "ស្រោចទឹកលើករាសី🙏កុំអោយមោបាំងជញ្ជាំងបិទដូច2ទៅ3ថ្ងៃមុន🙏អោយជ្រះចង្រៃតាមទឹកអោយអស់🙏ហើយយកអ្វីដែលល្អៗចូលមកក្នុងខ្លួនវិញ សាធុៗ
#ជាពិសេសអោយបានជួបក្រាសឆាប់ៗ"

ដោយសារតែរឿងមួយនេះបានធ្វើឲ្យទស្សនិកជនរបស់នាងជាច្រើន កំពុងតែរមានមន្ទឹលថា តើ ២ទៅ៣ ថ្ងៃមុន តារាស្រី វ៉ាន់ វល័ក្ខ មានរឿងអ្វី បានជាដល់ថ្នាក់ ទៅស្រោចទឹកបណ្ដោះគ្រោះបែបនេះ? អ្វីដែលសំខាន់ មហាជនក៏បានជូនពរនាងឲ្យមានក្រាស់ (Crush) ឆាប់ៗផងដែរ ព្រោះពួកគេគិតថា វ័យរបស់ កញ្ញា វល័ក្ខ សមល្មមនឹងមានគូស្រករហើយ ខណៈចុងឆ្នាំ ២០១៧ ដើមឆ្នាំ ២០១៨នេះ មានតារាស្រីៗជាច្រើនចូលរោងការជាបណ្តើរៗ ហើយនោះ។

គួរបញ្ជាក់ឡើងវិញផងដែរថា កញ្ញា វ៉ាន់ វល័ក្ខ គឺជានារីវ័យក្មេងស្រស់ស្អាតម្នាក់ ដែលមកពីជនបទ មានជីវភាពក្រីក្រលំបាក បានវិវត្តន៍ខ្លួនពីអ្នកលក់ទឹកអំពៅ ទៅជាតារាសម្តែងដ៏ល្បី និងមានប្រជាប្រិយភាពម្នាក់ ដោយសារទេពកោសល្យ រួមជាមួយនឹងសម្រស់ពីធម្មជាតិផងនោះ ខណៈសព្វថ្ងៃ នាងកំពុងតែត្រូវបានទស្សនិកជនជាច្រើនគាំទ្រ និងមានភាពមមាញឹកខ្លាំង នឹងការងារសិល្បៈផងដែរ៕