ញាក់សាច់ទ្រឺតៗ ពេលដឹងតម្លៃកង់ឡាន និងប្រេងម៉ាស៊ីនរបស់ ស្តេចប្រដាល់មិនដែលចាញ់ Floyd ដូរចេញម្តងៗ អាចទិញផ្ទះបាន១ល្វែងនៅខ្មែរ

បើតាមការបង្ហើបប្រាប់ពីសំណាក់អ្នកជំនាញមើលរថយន្តឲ្យ Floyd លោក Obi Okeke ដែលមានងារហៅក្រៅថា Dr Bugatti បានឲ្យដឹងថា រថយន្ត Bugatti ពណ៌ក្រហមរបស់ Floyd ទាមទារការចំណាយលើរបស់កំប៉ិកកំប៉ុកជាច្រើន ។ ក្នុងនោះផងដែរបើតាមប្រភពព័ត៌មាន Ladbible បានឲ្យដឹងថា ស្តេចប្រដាល់មិនដែលចាញ់ Floyd Mayweather ចំណាយលុយច្រើនសន្ធឹកក្នុងការប្តូរប្រេងម៉ាស៊ីនឲ្យរថយន្ត Bugatti របស់ខ្លួន ។

រីឯលោក Floyd បានប្រាប់សារព័ត៌មានថា «រថយន្ត Bugatti របស់ Floyd ទើបតែផ្លាស់ប្តូរកង់ថ្មី និង ប្តូរប្រេងម៉ាស៊ីនហើយ។ តើអ្នកដឹងដែរអត់ថាវាថ្លៃយ៉ាងណា? គ្រាន់តែកង់ពីរគូថ្លៃ ៣៥០០០ដុល្លារ និងប្រេងម៉ាស៊ីនប្តូរម្តងអស់២៥០០០ដុល្លារ» ។

តាមតម្លៃទូទៅដែលប្តូរប្រេងសម្រាប់រថយន្តធម្មតានៅអង់គ្លេសគឺមិនដល់២០០ដុល្លារទេ ។ តែសម្រាប់រថយន្តស្ព័រលំដាប់មហាសេដ្ឋីនេះវិញគឺកប់តែម្តង ។ ទោះបីជាយ៉ាងណាក៏ដោយ ក៏វាមិនមែនជាបញ្ហាសម្រាប់ Floyd ដែរ ។ លោក Dr Bugatti បានបន្តទៀតថា សំបកកង់របស់រថយន្តប្រភេទនេះត្រូវតែប្តូរចេញរាល់បីឆ្នាំម្តង បើទោះបីជាជិះច្រើនឬមិនជិះសោះក៏ដោយ ហើយមួយវិញទៀតមិនត្រឹមតែថ្លៃទេ តែឆាប់អស់អាយុកាលទៀត។

គួរបញ្ជាក់ផងដែរថា Floyd គឺជាកីឡាករប្រដាល់ដែលវាយមិនដែលចាញ់ហើយរកប្រាក់ចំណូលបានច្រើនកប់ពពក ។ លុយមិនមែនជាបញ្ហាសម្រាប់រូបគេនោះទេ ។ ដូចនេះថ្លៃសេវាថែទាំរថយន្តប៉ុននេះមិនមែនជាបញ្ហាចោទសម្រាប់គេនោះទេ។ ហើយមួយវិញទៀតលោក Floyd ក៏មិនមែនមានតែឡានមួយគ្រឿងដែរ គឺមានច្រើនគ្រឿងទៀត ដូចដែលមានភ្ជាប់រូបភាពដូចខាងក្រោមនេះ៕