បែកធ្លាយហើយ!!! មិននឹកស្មានថាឈ្មោះពិត របស់ តារាចម្រៀង ខេម ខុសគ្នាឆ្ងាយអញ្ចឹងសោះ

ខេម ដែលជាប់ឈ្មោះជាតារាចម្រៀងស្អកៗ គឺជា ក្មេងកំព្រាឪពុក និង ចេញរកលុយតាំងពីនៅតូច។ ត្បិតតែ ខេម មិនបានបញ្ចប់ការសិក្សារហូតដល់ថ្នាក់ឧត្តមសិក្សាក្ដី ប៉ុន្ដែ ខេម គឺជាមនុស្សឧស្សាហ៍ព្យាយាម និង តស៊ូ នៅក្នុងជីវិត រហូតបានក្លាយជាតារាចម្រៀងជួរមុខមួយរូបនៅក្នុងពិភពសិល្បៈ។ តើជីវិតជូរចត់របស់ខេម ហែលឆ្លងការលំបាកអ្វីខ្លះ ទម្រាំក្លាយជាតារាចម្រៀងល្បីសព្វថ្ងៃនេះ?

ឈ្មោះពិតរបស់លោក ខេម គឺ ប៉ុន សុណារិន (Pun Sonarin) លោកគឺកូនពៅ នៅក្នុងក្រុមគ្រួសារ ដែលមានបងប្អូនពីរនាក់ ប្រុសមួយ និង ស្រីមួយ។ បងស្រីរបស់លោកមានឈ្មោះ ប៉ុន សុណារី ។ តារារូបនេះ កើតនៅថ្ងៃទី១៥ ខែឧសភា ឆ្នាំ ១៩៨៥ ក្នុងខេត្ត កំពង់ឆ្នាំង មានកំពស់ ១៧០ សង់ទីម៉ែត្រ។ ឪពុករបស់លោក មានឈ្មោះ សេង ធក់ ជាអតីតមន្ត្រីយោធាមួយរូប (ស្លាប់) និង មានម្ដាយឈ្មោះ ឡាយ សីម៉ាលី ជាស្ត្រីមេផ្ទះ។ លោក ប៉ុន សុណារិន ជាឈ្មោះ នៅក្នុងបញ្ជីជាតិ ហើយឈ្មោះ ខេម លោកបានប្រើនៅពេលចូលសិល្បៈ។

តារាចម្រៀងសំឡេងស្អកៗរូបនេះ ប្រាថ្នាចង់បើកហាងសម្លៀកបំពាក់នៅថ្ងៃអនាគត។ ការលក់សំលៀកបំពាក់នេះ គឺផ្ដោតទៅលើតែខោអាវជជុះប៉ុណ្ណោះ មិនលក់ខោអាវដែលមានតម្លៃថ្លៃនោះទេ ព្រោះលោកគិតថា ប្រជាជនខ្មែរភាគច្រើនមានកម្រិតជីវភាពទាបនៅឡើយ។ ដូច្នេះហើយ លោកសង្ឃឹមថានឹងមានការចាប់អារម្មណ៍ពីប្រិយមិត្ត មិត្តយុវវ័យ។ សម្រាប់ គូស្រករ ត្រូវបាន ណារិនបញ្ជាក់ថា មិនទាន់មានគម្រោងយកនោះទេ ដោយលោកប្រឹងប្រែងរកប្រាក់បន្ថែម ដើម្បីទុកសម្រាប់ទៅថ្ងៃក្រោយ។ ចំពោះសិល្បៈវិញ ខេម មានការខិតខំជាខ្លាំងដើម្បីទទួលបាននូវប្រជាប្រិយភាព៕