មានការភ្ញាក់ផ្អើលជាខ្លាំង បន្ទាប់ពីឃើញវត្តមាន នាងក្អយ លេចមុខក្នុងពិធីមង្គលការ នាយចយ ដោយសារតែ... (មានវីដេអូ)

តារាកំប្លែងស្រី ពូកែសំដី និងក្លែមពាក្យផ្តោះផ្តង នាងក្អយ បានបាត់មុខពី សិល្បៈអស់រយៈពេលជាយូរមកហើយ បន្ទាប់ពីកើតមានរឿងខ្លះៗនាពេលកន្លងមកនេះ ចាប់ពីពេលនោះមកគេក៏មិនបានដឹងថានាងទៅសំងំលាក់ខ្លួនពួនអាត្មានៅទីណាឡើយ ប៉ុន្តែថ្មីៗនេះស្រាប់តែលេចវត្តមាននាងក្នុងពិធីមង្គលការ នាយចយ ធ្វើព្រងើយដូចគ្មានអ្វីកើតឡើង ដែលធ្វើឱ្យមហាជនមានការភ្ញាក់ផ្អើលយ៉ាងខ្លាំង ។

ខណៈពេលដែល នាងក្អយ លេចវត្តមានក្នុងពិធីមង្គលការ នាយចយ នេះដែរ គេកត់សម្គាល់ឃើញតារាកំប្លែងស្រីរូបនេះកាន់តែមានរូបសម្រស់ស្អាត និង មានសាច់ឈាមទ្រលុកទ្រលន់ប្លែកជាងមុន ធ្វើឱ្យមហាជនពិសេសភ្ញៀវកិត្តិយសសម្លឹងមើលនាងមិនដាក់ភ្នែកឡើយ ។ ក្នុងទឹកមុខញញឹមញញែមនោះ នាងក្អយ ថែមទាំងត្រូវបានកាត់សក់ក្នុងកម្មវិធីមង្គលការ នាយចយ ក្នុងនោះដែរនាងក៏ក្លាយជាពិធីការិនីក្នុងកម្មវិធីកាត់នំនៃពិធីមង្គលការ នាយចយ ដែលចាប់ដៃគូជាមួយ នាយព្រែក ព្រមទាំង ស្រីពៅមុខឈើ ទៀតផង ។

នាងក្អយ នៅតែអាចញ៉ាំងឱ្យមហាជនផ្ទុះសំណើច និង បានសើចសប្បាយរីករាយដដែល បើទោះជានាងបានផ្អាក់ការងារសិល្បៈអស់រយៈកាលជាយូរឆ្នាំហើយក្តី ។ យ៉ាងណាគេបានដឹងថា កំលុងពេលដែលតារាកំប្លែងស្រី នាងក្អយ មិនបានបង្ហាញមុខក្នុងពិភពសិល្បៈនេះ នាងក៏មិនបានឃ្លាតឆ្ងាយប៉ុន្មានពីវិថីនេះដែរ ដោយនាងនៅតែប្រកបអាជីពសិល្បៈដដែល ពោលគឺនាងតែងតែចេញដើរច្រៀងតាមវង់ភ្លេចខ្មែរ និង កាត់សក់ជាញឹកញាប់ ជាមួយមុខរបរសម្អាងរបស់នាង ។ នាងក្អយ ក៏ត្រូវបានគេដឹងទៀតថា នាងមានកូនព្រមទាំងស្វាមីរួចហើយដែរ ៕