ពិតជាក្តុកក្តួលមែន!!! វីដេអូ នាយ ចយ រំភើបដល់ស្រក់ទឹកភ្នែកក្នុងថ្ងៃមង្គលការរបស់ខ្លួន ត្រូវបានបែកធ្លាយហើយ (មានវីដេអូ)

ភ្នំពេញ៖ ពិធីមង្គលជប់លៀងនឹងត្រូវធ្វើឡើងនៅល្ងាចថ្ងៃទី២៧ ខែកុម្ភៈ ឆ្នាំ២០១៨ នៅក្នុងវិមានពិភពថ្មីសែនសុខ អគាD។ ក្រៅពីថ្លែងរៀបរាប់ប្រវត្តិស្នេហាខ្លះ នាយចយ ក៏បានថ្លែងពីក្តីរំភើបរហូតស្រក់ទឹកភ្នែក ព្រោះតែវត្តមាន លោក​ឧត្ដមសេនីយ៍​ឯក ហ៊ុន ម៉ាណែត និង ឯកឧត្តម ហ៊ុន ម៉ានី និងផ្តល់កិត្តិយសដោយមិននឹកស្មានដល់ផងដែរ។

តារាកំប្លែង លោក ភិច សែ ហៅនាយចយ បានរៀបការជាមួយនារីស្រស់សោភា មកពីខេត្តពោធិ៍សាត់ ក្រោមវត្តមានភ្ញៀវជាច្រើនកុះករ មានទាំងកូនប្រុស២រូបរបស់សម្តេចតេជោ ហ៊ុនសែន ចូលរួមផងដែរ។ ថ្លែងពីមុខភ្ញៀវក្នុងពិធីជប់លៀងល្ងាចថ្ងៃនោះ បានធ្វើឲ្យនាយ ចយ ស្រក់ទឹកភ្នែក ព្រោះតែក្តីរំភើបរកអ្វីប្រៀបពុំបាន។

នាយ ចយ បានបញ្ជាក់បន្ថែមទៀតថា អរគុណដល់បងប្រុសទាំង២គឺ លោក​ឧត្ដមសេនីយ៍​ឯក ហ៊ុន ម៉ាណែត និង ឯកឧត្តម ហ៊ុន ម៉ានី ឆ្លៀតចំណាយពេលវេលាផ្តល់កិត្តិយសថ្ងៃមង្គលការ រកពាក្យនិយាយមិនចេញរំភើបណាស់។ បន្ថែមពីនេះ នាយ ចយ ក៏ជូនពរដល់សម្តេចតេជោ ដែលខិតខំកសាងប្រទេសជាតិមិនគិតពីការនឿយហត់ ដើម្បីសេចក្តីសុខប្រជាជនសូមបារមីថែរក្សាក្រុមគ្រួសារសម្តេចអោយជួបប្រទះសេចក្តីសុខ ហើយបន្តគ្រប់គ្រងប្រទេសជាតិតទៅទៀត ។

នាយ ចយ ក៏យំសំពះអរគុណនាយក្រឹមដែលបានយកលោកមកសម្តែងតាំងពីនៅតូចរហូតដល់វ័យ២៥ឆ្នាំមានតែនាយក្រឹមនេះហើយជាអ្នកមានគុណជួយដល់រូបលោកបានថ្ងៃនេះបន្ទាប់ពីឪពុកម្តាយបង្កើតធ្វើអោយនាយក្រឹមសប្បាយចិត្តកូនចៅបានឆ្លងដល់ត្រើយសុភមង្គល។

ចំណែកឯខាងក្រោមនេះគឺជាវីដេអូរបស់ នាយ ចយ ដែលបានរៀបរាប់ទាំងទឹកភ្នែកព្រោះតែរំភើបខ្លាំងពេក ដោយមានអ្នកផ្តល់កិត្តិយសជាច្រើនក្នុងថ្ងៃមង្គលការមួយនេះ។ អញ្ចឹងដើម្បីកុំឲ្យខាតពេលយូរ សូមទស្សនាវីដេអូរបស់លោកដូចខាងក្រោមទាំងអស់គ្នា៕