ចៅទី១៧!!! ទីបំផុត ឧកញ៉ា ម៉ុង ឫទ្ធី ទទួលបានចៅ១នាក់ទៀតហើយ ដោយដាក់ឈ្មោះឲ្យចៅឡើងឡូយម៉ង

កាលពីម្សិលមិញនេះ គេបានឃើញ ឧកញ៉ា ម៉ុង ឫទ្ធី លោកបានបង្ហោះសារ ព្រមជាមួយរូបថតជាច្រើនសន្លឺក ដែលលោកចង់បង្អួតប្រិយមិត្តក្នុងហ្វេសប៊ុក ពីក្រុមគ្រួសារលោក ដែលមានសមាជិកក្នុងគ្រួសារច្រើនសឹងតែមិនគួរឲ្យជឿ ដោយក្នុងនោះគាត់បានសរសេរថា៖ "ល្ងាច​ថ្ងៃ​អាទិត្យ​ទី​៤​ ខែ​មិនា​ ឆ្នាំ​២០១៨​ ខ្ញុំ​ចង់បង្អួត​ប្រិយមិត្ត​ FB ទាំងអស់​ថានេះ​ជាជំនួប​ចៅៗ​ប្រុស​ ស្រី​ចំនួន​១១នាក់​ក្នុង​ចំណោមចៅស្រី៦នាក់​ ចៅប្រុស១១នាក់សរុប​១៧នាក់​ដែល​រាប់​បញ្ចូល​ទាំង​ថ្ងៃ​ស្អែក​នេះខ្ញុំ​និង​ទទួល​បាន​ចៅប្រុសម្នាក់ទៀតផងដែ​ ។"

ក្នុងថ្ងៃដដែលនោះផងដែរស្រាប់តែលោកក៏បានទទួលចៅប្រុសម្នាក់ទៀត ដែលជាចៅទី១៧ ក្នុងក្រុមគ្រួសារដ៏ធំមួយនេះ ហើយលោកក៏បានសរសេរសារបញ្ជាក់ផងដែរថា៖ "ចៅប្រុស​ទី​១៧របស់​ខ្ញុំ​​កើត​វេលាម៉ោង​១០យប់​ ថ្ងៃ​អាទិត្យ​ទី​៤​ ខែមិនា​ ឆ្នាំ​២០១៨​ ដាក់​ឈ្មោះអោយហៅថាតាន់​ ម៉ុង​មុនីរាជ​ ។"

បន្ទាប់ពីបានឃើញហើយ ក៏ធ្វើឲ្យប្រិយមិត្តជាច្រើនលាន់មាត់ថា លោកពិតជាមានចៅច្រើនមែន មិនត្រឹមតែប៉ុណ្ណោះទេ ឃើញក្រុមគ្រួសាររបស់លោកហាក់មានភាពកក់ក្តៅខ្លាំងណាស់ ដោយអ្នកខ្លះផ្សេងទៀតបានសរសេរថា ក្រុមគ្រួសារដូចពិតជាមានសុភមង្គលខ្លាំងណាស់។ ហើយក៏នៅមានការលើកសរសើរជាច្រើនទៀតផងដែរ ព្រមជាមួយពាក្យជូនពរដែលលោកទើបទទួលបានចៅទី១៧នេះ៕