ផ្ទុះល្បីទៀតហើយ!! សូម្បីតែសារព័ត៌មាននៅប្រទេសថៃ ក៏ចុះផ្សាយរឿង នាយ ចយ ដែរ (មានវីដេអូ)

កាលពីថ្ងៃទី៣ ខែកុម្ភៈ ឆ្នាំ២០១៨ គេឃើញគេហទំព័រព័ត៌មានដ៏ល្បីឈ្មោះមួយ khaosod.co.th ប្រចាំប្រទេសថៃ បានចុះនូវព័ត៌មានមួយដែលកំពុងតែកក្រើកក្នុងប្រទេសកម្ពុជាកាលពីពេលថ្មីៗនេះ គឺរឿងដែលទាក់ទងមង្គលការរបស់នាយ ចយ តែម្តង។ ក្នុងនោះផងដែរគេហទំព័រដ៏ល្បីមួយនេះបានបញ្ជាក់ថា មង្គលការមួយនេះមិនត្រឹមតែធ្វើឲ្យល្បីក្នុងប្រទេសកម្ពុជាទេ គឺបានហៀរដល់ប្រទេសថៃថែមទៀតផង។

គេហទំព័រដដែលក៏បានសរសេរបន្ថែមទៀតថា នេះក៏ដោយសារតែមានការចូលរួមផ្តល់នូវកិត្តិយសយ៉ាងខ្លាំងពីភ្ញៀវ ជាពិសេស​កូនរបស់សម្តេចទាំងពីរតែម្តង ព្រមទាំងមានការចង់ដៃយ៉ាងច្រើនពីសម្តេចតេជោ ហ៊ុន សែន ចំនួនដល់ទៅ១មុឺនដុល្លារ ជាមួយការជូនពរជ័យដល់គូស្វាមី ភរិយាថ្មីនេះថែមទៀតផង ។ មួយវិញទៀតវីដេអូនៃពិធីមង្គលការមួយនេះក៏ត្រូវបានគេមើលជាច្រើនថែមទៀតផង។

គួររំលឹកឡើងវិញផងដែរថា ពិធីមង្គលជប់លៀងនឹងត្រូវបានធ្វើឡើង នៅល្ងាចថ្ងៃទី២៧ ខែកុម្ភៈ ឆ្នាំ២០១៨ នៅក្នុងវិមានពិភពថ្មីសែនសុខ អគាD។ ក្រៅពីថ្លែងរៀបរាប់ប្រវត្តិស្នេហាខ្លះ នាយចយ ក៏បានថ្លែងពីក្តីរំភើបរហូតស្រក់ទឹកភ្នែក ព្រោះតែវត្តមាន លោក​ឧត្ដមសេនីយ៍​ឯក ហ៊ុន ម៉ាណែត និង ឯកឧត្តម ហ៊ុន ម៉ានី និងផ្តល់កិត្តិយសដោយមិននឹកស្មានដល់ផងដែរ។

នាយ ចយ ក៏យំសំពះអរគុណនាយក្រឹមដែលបានយកលោកមកសម្តែងតាំងពីនៅតូចរហូតដល់វ័យ២៥ឆ្នាំមានតែនាយក្រឹមនេះហើយជាអ្នកមានគុណជួយដល់រូបលោកបានថ្ងៃនេះបន្ទាប់ពីឪពុកម្តាយបង្កើតធ្វើអោយនាយក្រឹមសប្បាយចិត្តកូនចៅបានឆ្លងដល់ត្រើយសុភមង្គល៕