ក្តៅៗសូមជួយស៊ែរបន្ទាន់!!! សូមមេត្តាប្រុងប្រយ័ត្នចំពោះភ្លៀងកក់ខែ ព្រោះផ្ទះប្រជាពលរដ្ឋប្រមាណ ១៣ ខ្នង កំពុងរងការខូចខាតយ៉ាងដំណំ

កាលពីម្សិលមិញនេះ ក្រសួងធនធានទឹក និងឧតុនិយម បានចេញសេចក្តីជូនដំណឹងមួយជូនសាធារណជនទាំងអស់ទាក់ទងស្ថានភាពភ្លៀងកក់ខែ ដែលនឹងឥទ្ធិពលនៃសម្ពាធទាបដែលគ្របដណ្តប់លើព្រះរាជាណាចក្រកម្ពុជា នឹងបង្កឱ្យមានភ្លៀងកក់ខែនៅបណ្តាខេត្តមួយចំនួន ចាប់ពីថ្ងៃទី០៦ ដល់ ០៩ ខែមីនា ឆ្នាំ២០១៨ ពិសេសនៅតាមស្រុក ក្រុងមួយចំនួននៃខេត្ត កោះកុង កំពង់ស្ពឺ ពោធិ៍សាត់ បាត់ដំបង ប៉ៃលិន បន្ទាយមានជ័យ និងខេត្តសៀមរាប។ អាស្រ័យដូចនេះសូមសាធារណជន មេត្តាដើម្បីការប្រុងប្រយ័ត្នឲ្យបានខ្ពស់ផងដែរ។

ជាក់ស្តែង ផ្ទះប្រជាពលរដ្ឋប្រមាណ ១៣ ខ្នង ស្ថិតក្នុងភូមិថ្មី ឃុំអូរស្រឡៅ ស្រុកម៉ាឡៃ ខេត្តបន្ទាយមានជ័យ ត្រូវបានភ្លៀងកក់ខែធ្លាក់លាយឡំជាមួយខ្យល់កន្ត្រាក់ វាយបោកបក់បណ្តាលឲ្យរងការខូចខាតយ៉ាងដំណំ នារសៀលថ្ងៃអង្គារ ៥រោច ខែផល្គុន ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០៦ ខែមីនា ឆ្នាំ២០១៨ នេះ៕