សល់តែ១ខែទៀតទេ ដឹងតែសប្បាយទៀតហើយ ជាមួយបុណ្យភូមិ (មើលវីដេអូនេះទៅដឹងពីទីតាំងគេធ្វើនៅណាហើយ)

កាលពីឆ្នាំ២០១៧ បុណ្យភូមិ ត្រូវបានគេរៀបចំ នៅវត្តទួលក្រសាំង ដែលស្ថិតនៅក្នុង ស្រុកស្អាង ខេត្តកណ្តាល ដែលមានអ្នកចូលរួមយ៉ាងច្រើនកុះករស្ទើរតែមិននឹកស្មានដល់។ ក្នុងនោះផងដែរបើយោងតាមអ្នកសម្របសម្រួលផ្នែកព័ត៌មានរបស់កម្មវិធីបុណ្យភូមិ ២០១៧ បានឲ្យដឹងថា មានអ្នកចូលរួមទស្សនា និងលេងកម្សាន្ត សរុបជាង ៣ម៉ឺន នាក់ឯណោះ ក្នុងរយៈពេល៣ថ្ងៃ។ ក្នុងមួយថ្ងៃៗមានមនុស្សប្រមាណជាងមួយម៉ឺននាក់ ហើយកកកុញខ្លាំង នៅថ្ងៃទី ២ និង ទី៣ ព្រោះចំថ្ងៃចុងសប្ដាហ៍។ ក្រៅពីនេះគឺមានអ្នកស្ម័គ្រចិត្តចូលរួមជួយក្នុងកម្មវិធីប្រមាណជាង១៣០នាក់ទៀត។

ចំណែកឯបុណ្យភូមិឆ្នាំ២០១៨ នេះវិញ ត្រូវបានគេប្រកាសជាផ្លូវការហើយ តាមរយៈខ្សែវីដេអូខ្លីមួយ ហើយនេះគឺជាលើកទី៥ នៃបុណ្យភូមិ សម្រាប់ឆ្នាំ២០១៨ នេះ ដែលនឹងធ្វើ នៅវត្តគោកអំពិល តាមផ្លូវ៦០ម៉ែត្រ ភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ ចាប់ផ្ដើមពីថ្ងៃទី០៦ ដល់ទី០៨ ខែមេសា។ ដូចនេះដើម្បីជ្រាបកាន់តែច្បាស់ សូមទស្សនាវីដេអូដូចខាងក្រោមនេះ៖