ពិតជាឡូយអស់ទាស់!!! លើមុនភ្ជាប់ពាក្យ តែម្តងនេះជាថ្ងៃមង្គលការតែម្តង ជាមួយការតុបតែងល្អឥតខ្ចោះ ថែមទាំងមានតារាថៃចូលរួមទៀត (មានវីដេអូ)

កាលពីពេលកន្លងទៅថ្មីៗនេះ កូនស្រីពៅរបស់លោកឧកញ៉ា ឡូវ ហ៊ឹង គឺ កញ្ញា ឡូវ ស្រីពៅ បានភ្ជាប់ពាក្យជាមួយកូនប្រុសនាម សេង ខាំងទៀង នាថ្ងៃសុក្រទី២៦ ខែមករា ឆ្នាំ២០១៨ ត្រូវនឹងថ្ងៃ១០កើត ខែមាឃ ឆ្នាំរកា នព្វស័ក ពស ២៥៦១ វេលាម៉ោង៦៖៣០ព្រឹក ស្ថិតនៅផ្ទះលេខ១៧ ផ្លូវ៣៦៩ ភូមិព្រែកបារាំង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ជាមួយការតុបតែងដ៏ល្អឥតខ្ចោះមួយ ដែលសឹងតែធ្វើឲ្យផ្អើលក្នុងទីក្រុងភ្នំពេញទៅហើយ។

ចំណែកកាលពីយប់មិញនេះនាថ្ងៃទី២ ខែមិនា ឆ្នាំ២០១៨ រឹតតែមានការភ្ញាក់ផ្អើលជាខ្លាំង ជាថ្មីម្តងទៀត ព្រោះជាថ្ងៃមង្គលការកូនស្រីរបស់ ឧកញ៉ា ឡូវ ហ៊ឹង តែម្តង ដោយក្នុងនោះមានការចូលរួមច្រៀង ដោយតារាចម្រៀងជាច្រើនរូប រួមមាន អ្នកនាង មាស សុខសោភា អ្នកនាង ម៉េង កែវពេជ្ជតា លោក ណយ វ៉ាន់ណេត និងលោក ដួង វីរៈសិទ្ធ ជាដើម ដើម្បីបង្កបរិយាកាសឱ្យកាន់តែ សប្បាយរីករាយថែមមួយកម្រិតទៀត ព្រមជាមួយពិធីករ និងពិធីការិនីល្បីឈ្មោះ គឺកញ្ញា ហ៊ិន ច័ន្ទនីរ័ត្ន និងលោក ជាវណ្ណារិទ្ធ ផងដែរ។

នៅក្នុងនោះដែរ គេក៏បានឃើញនូវវត្តមានពីកំពូលតារាសម្តែងថៃគឺ កញ្ញា ផេនខេក (Pancake) ផងដែរ ដោយនាងក៏ជាភ្ញៀវកិត្តិយស និងតារាចម្រៀងមួយរូប ដែលបានមកច្រៀងអបអរសាទរក្នុងថ្ងៃដ៏ពិសេស សម្រាប់គូស្វាមីភរិយាថ្មោងថ្មីមួយគូនេះថែមទៀតផង៕