ចេញមកបណ្តើរៗហើយ!!! Fan ម្នាក់នេះ យក បទ ពេជ្រ សោភា មក Cover ផ្អើលគេតែម្តង (មានវីដេអូ)

ឆ្នាំថ្មីឆ្នាំ ច ហ្នឹងបានអ្នកណាទៅរាំជាមួយនុ៎ង? អ្នកនាង ពេជ្រ សោភា គាត់ថាអត់ខ្វល់ គាត់មានសត្វចិញ្ចឹមទៅជាមួយគឺសត្វឆ្កែរបស់គាត់តែម្តង ព្រមជាមួយបទចម្រៀងដ៏ពិរោះកំពុងតែកក្រើកផងដែរ គឺ "បីឆ្កែចូលរាំ"។ ឆ្នាំនេះដឹងតែរាំឡើងផ្អើលពេញភូមិទៀតហើយមើលទៅ ព្រោះភ្លេងក៏សាហាវ ច្រៀងរឹតតែពិរោះ ជាប់ចិត្តតែម្តង។

ក្នុងនោះផងដែរកាលពីម្សិលមិញនេះ គ្រាន់តែផលិតកម្មហង្សមាសបង្ហោះបទមួយនេះមិនទាន់បាន១ម៉ោងផងមានអ្នកគាំទ្រចែករំលែកតៗគ្នាដល់ទៅជាង ២០០០ដងទៅហើយ ពិតជាមិនធម្មតាមែនបទមួយនេះ។ ហើយអ្នកគាំទ្រជាច្រើនបានបង្ហាញអារម្មណ៍សប្បាយចិត្តជាខ្លាំងបន្ទាប់ពីបានស្តាប់បទនេះរួចហើយ ដោយអ្នកខ្លះបានសរសេរថា "ផ្ទុះទៀតហើយidol", "ចាំញុមបីឆ្កែញុមអាធំចូលរាំអោយណានីម៉ង😏😂😘", "គ្មានអ្នកrap ក៏នៅតែល្បី មានអ្នកrapក៏នៅតែល្បី មិនចាញ់អ្នកខ្លះ❤️❤️"។ ហើយក៏នៅមាន comment ល្អៗជាច្រើនទៀត។ ដូចនេះដើម្បីកុំឲ្យខាតពេលយូរ សូមទៅស្តាប់ទាំងអស់គ្នាទៅមើល ថាឡូយដូចអ្វីដែលគេនិយាយទេ។

ចំណែកកាលពីម្សិលមិញនេះ អ្នកនាង ពេជ្រ សោភា បានធ្វើការ Live វីដេអូ ក្តៅៗ ទាក់ទងជាមួយបទមួយនេះ ដោយគាត់បានបញ្ជាក់យ៉ាងច្បាស់ក្នុងវីដេអូរបស់គាត់ថាបទច្រៀង "បីឆ្កែចូលរាំ" អ្នកណាអាចយកមក Cover បានល្អ នឹងមានការជួបជុំពិសេសមួយ មិនថាអ្នកនៅខេត្ត រឺក៏នៅក្នុងទីក្រុងទេ។ ដូចនេះដើម្បីជ្រាបកាន់តែច្បាស់​សូមស្តាប់ការពន្យល់បន្ថែមក្នុងវីដេអូរបស់គាត់ដូចខាងក្រោមនេះ។

ហើយនៅពេលនេះក៏បានគេយកបទនេះមក Cover បណ្តើរៗហើយ ដោយគេឃើញ fan ម្នាក់បានបីឆ្កែរបស់គាត់ ព្រមជាមួយការតុបតែងខ្លួនប្លែកៗដោយមានការចងកំប៉ុង លាយជាមួយឧបករណ៍ផ្សេងៗផងដែរជាប់ជាមួយខ្លួនគាត់ផងដែរ ដូចនេះសូមទៅទស្សនាទៅមើលថាការសម្តែងមួយនេះយ៉ាងម៉េចដែរ៕