ទូរស័ព្ទ iPhone X ដែលដំឡើងដោយដៃ របស់ ឧកញ៉ា ហ៊ុន ជា ទាំងពីរគ្រឿងនេះតម្លៃកប់តែម្តង អាចទិញឡានធម្មតាបានពីរគ្រឿង

កាលពីម្សិលមិញនេះគេឃើញ ឧកញ៉ា ហ៊ុន ជា បានបង្ហោះរូបថតពីរសន្លឹក ដែលបង្ហាញពី iPhone X ដល់ទៅពីរគ្រឿង ហើយក៏បានធ្វើឲ្យមហាជនមានការភ្ញាក់ផ្អើលជាខ្លាំង ដោយលើ iPhone ទាំងពីរនេះបានរំលេចដោយឈ្មោះរបស់លោកផងដែរ ដោយសរសេរថា "Gen HUN CHEA" ព្រមទាំងមានរូបរូបនាគមួយដ៏មានអំណាចថែមទៀតផង ហើយ iPhone ប្រភេទនេះគឺមាន​សំបក​ស្រោបមាស​ពី​ក្រៅ ​ផលិត ​និង​ដំឡើង​ដោយ​ដៃ ​ដោយ​ក្រុមហ៊ុន​ឈ្មោះ Arab (Handcrafted by Arab) នៅប្រទេស ឌូបៃ។

ក្នុងនោះផងដែរបើតាមអ្នកដែលធ្លាប់ដឹងពីតម្លៃនៃ iPhone X ប្រភេទ Limited Edition ដែលដំឡើងដោយដៃនេះ គឺ​ក្បែរ​ពីរ​ម៉ឺន​ដុល្លារឯណោះ ដូច្នេះ​តម្លៃ​សរុបនៃ iPhone x ទាំងពីរគ្រឿង​នេះគឺក្បែរខ្ទង់ ៤ម៉ឺនដុល្លារ ដែលអាចទិញរថយន្តល្មមៗបានដល់ទៅពីរគ្រឿងឯណោះ៕