ក្តៅៗ!!! ទៅផ្សារអ៊ីអន (AEON) កុំភ្លេចដាក់កន្ត្រកទៅផង ប្រយ័ត្នអស់លុយដោយមិនដឹងខ្លួន​

កាលពីម្សិលមិញនេះគេឃើញក្នុងហ្វេសប៊ុកផ្លូវការ ផ្សារអ៊ីអន (AEON) បានចេញសេចក្តីជូនដំណឹងជាផ្លូវការមួយស្តីពីការគិតកម្រៃបន្ថែម លើប្រើប្រាស់ថង់ប្លាស្ទិក ដោយក្នុងនោះហ្វេសប៊ុកមួយនេះបានបញ្ជាក់យ៉ាងច្បាស់ផងដែរថា៖

"អតិថិជនជាទីគោរព!
ផ្សារទំនើបអ៊ីអនយើងខ្ញុំសូមគោរពជូនដំណឹងដល់អតិថិជនទាំងអស់អោយបានជ្រាបថា៖ យោងតាមអនុក្រឹត្យ ស្តីពីការគ្រប់គ្រងថង់ប្លាស្ទិករបស់រាជរដ្ឋាភិបាលកម្ពុជា ចុះលេខ ១៦៨ អនក្រៈបក ដែលមានគោលបំណងបង្កើនប្រសិទ្ឋភាពលើការកាត់បន្ថយ ការនាំចូល ការផលិត ការចែកចាយ និងការប្រើប្រាស់ថង់ប្លាស្ទិក ត្រូវធានាបាននូវការគាំពារសុខភាពជាសាធារណៈទទួលបាននូវ បរិស្ថានល្អ ប្រកបដោយសោភ័ណ្ឌភាព។ ផ្សារទំនើបអ៊ីអនយើងខ្ញុំសូមអនុវត្តន៍ "ការផ្តល់ថង់ប្លាស្ទិកដល់អតិថិជនត្រូវគិតកម្រៃបន្ថែម" កម្រៃបន្ថែមនេះ ត្រូវកំណត់ និង ប្រកាសដោយអន្តរក្រសួងបរិស្ថាន ក្រសួងសេដ្ឋកិច្ច និងក្រសួងហិរញ្ញវត្ថុ ដោយថង់ប្លាស្ទិក១ មានតម្លៃ ១០ សេន។ ការអនុវត្តន៍នេះចាប់ផ្តើមពីថ្ងៃទី១០ ខែមេសា ឆ្នាំ២០១៨ តទៅ។"៕