ក្តៅៗ!!! នាយឧត្ដមសេនីយ៍ ជួន សុវណ្ណ បញ្ជាឲ្យនគរបាលព្រហ្មទណ្ឌ ចុះឃាត់ខ្លួនជនល្មើសបន្ទាន់ ដើម្បីរកយុត្តិធម៌ជូនស្ត្រីរងគ្រោះរបួសផ្ទៃមុខ និងភ្នែកធ្ងន់ធ្ងរ

បើយោងតាមហ្វេសប៊ុករបស់លោក ផែង វណ្ណៈ កាលពីយប់មិញនេះ នាថ្ងៃទី១ ខែមេសា ឆ្នាំ២០១៨ បានបញ្ជាក់ឲ្យដឹងច្បាស់ថា៖ "នាយឧត្ដមសេនីយ៍ ជួន សុវណ្ណ បញ្ជាអោយនគរបាលព្រហ្មទណ្ឌ ចុះឃាត់ខ្លួនជនល្មើសបន្ទាន់ដើម្បីរកយុត្តិធម៌ជូនស្ត្រីរងគ្រោះ

នៅយប់ថ្ងៃទី ១ ខែ មេសា ឆ្នាំ ២០១៨ បន្ទាប់ពីបានទទួលដំណឹងអំពីករណី ហឹង្សាបង្ករឡើងដោយបុរសជាប្ដីឈ្មោះ សរ ចន្នីរឹទ្ធ អាយុ ៣២ ឆ្នាំ ស្នាក់នៅផ្ទះលេខ ៦៣ ដេ ផ្លូវ ៥៣ បេតេ ភូមិ ក្បាលទំនប់ សង្កាត់ បឹងទំពុន ខណ្ឌ មានជ័យ ទៅលើប្រពន្ធបណ្ដាលអោយរបួសផ្ទៃមុខ និង ភ្នែក ធ្ងន់ធ្ងរ ឯកឧត្ដមនាយឧត្ដមសេនីយ៍ ជួន សុវណ្ណ អគ្គស្នងការរង និង ជាស្នងការនគរបាលរាជធានី បានបញ្ជាអោយសមត្ថកិច្ចនគរបាលព្រហ្មទណ្ឌ នៃ ស្នងការដ្ឋាននគរបាលរាជធានីភ្នំពេញ ចុះស្រាវជ្រាវជាបន្ទាប់ដើម្បីចាប់ឃាត់ខ្លួនជនល្មើសមកទទួលខុសត្រូវចំពោះមុខច្បាប់ ។ ហេតុការណ៍នេះបានកើតឡើងនៅយប់ថ្ងៃទី ២៥ ខែ មិនា ឆ្នាំ ២០១៨ ។

ជនរងគ្រោះជាប្រពន្ធកំពុងសំរាកព្យាបាលនៅមន្ទីរពេទ្យឯកជនមួយ ក្នុងរាជធានីភ្នំពេញ ។ សូមអរគុណឯកឧត្ដម នាយឧត្ដមសេនីយ៍ ជួន សុវណ្ណ ដែលបានយកចិត្តទុកដាក់រកយុត្តិធម៌ជូនជនរងគ្រោះ ។ សូមគោរពជូនពរ ឯកឧត្ដមនាយឧត្ដមសេនីយ៍ មានសុខភាពល្អ បរិបូរណ៍ ទទួលបានជោគជ័យគ្រប់ភារកិច្ច ។"៕