ពិតជាមានស្នាដៃល្អមែន សូមជួយស៊ែរលើកទឹកចិត្តគាត់ផង ដែលកូនខ្មែរម្នាក់នេះសូនរូបប្រាសាទអង្គរវត្តបានយ៉ាងល្អប្រណិត

កាលពីម្សិលមិញនេះគេឃើញក្នុងហ្វេសប៊ុករបស់បងប្រុសម្នាក់ឈ្មោះ ធួក វេត បានបង្ហោះរូបភាពជាច្រើនសន្លឹកដែលបង្ហាញពីស្នាដៃរបស់ប្អូនប្រុសម្នាក់ដែលនៅជិតផ្ទះរបស់គាត់ នៅភូមិសំរោង ឃំុលាងដៃ ស្រុកអង្គរ ខេត្តសៀមរាប ដែលខិតខំព្យាយាមអស់រយៈពេលប្រហែល១ខែដើម្បីសូនរូបប្រាសាទអង្គរវត្ត ដោយក្នុងនោះបងប្រុសម្នាក់នេះបានបញ្ជាក់បន្ថែមទៀត៖

"ប្អូនប្រុសនៅជិតផ្ទះខ្ញំអាចធ្វេីប្រាសាទអង្គរចំនាយពេលប្រហែល1ខែធ្វេីអំដីបូកអាចបំបែកឯកត្តកម្មបាន បេីចូលចត្តសូមfrieជួយshareមនាក់មួយចែកប្អូនផង"។

បន្ទាប់ពីឃើញរូបទាំងនេះហើយបានធ្វើឲ្យមហាជនមានការចែករំលែកតៗគ្នារាប់ពាន់ ព្រមជាមួយការសម្តែងនូវអារម្មណ៍កោតសើរ និងសំណូមពរឲ្យម្ចាស់គណនីហ្វេសប៊ុកខាងលើនេះជួយបង្ហាញនូវមុខមាត់ និងអត្តសញ្ញាណរបស់ប្អូនប្រុសដែលបានសូនរូបអង្គរដ៏ស្រស់ស្អាតនេះផង៕