រឿងកែបបូរមាត់ ជារាងបេះដូងកំពុងកែកក្រើកផង ស្រាប់តែលោក អុឹម ជីវ៉ា សម្រេចចិត្តទៅកែដែរ តែខ្លាចរឿងមួយ...

កាលពីពេលថ្មីៗនេះ គេឃើញរឿងកែបបូរមាត់ទៅជារាងបេះដូងកំពុងតែកក្រើកជាខ្លាំង ដោយឃើញស្ត្រីម្នាក់បានទៅកែនៅហាងមួយកន្លែង តែជាលទ្ធផលមិនបានដូចក្តីប្រាថ្នា រហូតដល់ថ្នាក់ខូចចិត្តជាខ្លាំង ចង់សម្លាប់ខ្លួនថែមទៀតផង តែមិនបានសម្រេច។ ស្រាប់តែ កាលពីព្រឹកមិញនេះ នាថ្ងៃទី៦ ខែមេសា ឆ្នាំ២០១៨ គេបែរជាឃើញក្នុងហ្វេសប៊ុករបស់លោក អុឹម ជីវ៉ា តែម្តង បានបង្ហោះសារមួយ បានធ្វើឲ្យមហាជនមានការភ្ញាក់ផ្អើលជាខ្លាំង ព្រោះលោកនឹងសម្រេចចិត្តទៅកែបបូរមាត់ឲ្យបានក្លាយទៅជារាងបេះដូង តែលោកខ្លាចរឿងមួយបន្ទាប់ពីកែរួច ដោយក្នុងនោះលោកបានបញ្ជាក់យ៉ាងច្បាស់ថា​៖

"ព្រឹកនេះខ្ញុំសំរេចចិត្តទៅកែសម្ផស្សយកមាត់រូបបេះដូង💋❤️ដែរហើយ ព្រោះមាត់ធម្មជាតិមិនសូវស្អាតសោះ ចង់កែមាត់ម្តង 💋💋 បើកែមាត់ហើយខ្លាចតែសាពត៌មានហៅសម្ភាស៍ទេខ្ញុំ 🤣😄🤣។ នាពេលបច្ចប្បន្នការវះកាត់ការសម្ភស្សគឺជាការពេញនិយមរបស់យុវវ័យនិងមនុស្សវ័យកណ្តាល ហើយការកែសម្ភស្សគឺមានច្រើនសណ្ឋាននិងកន្លែងមិនថានៅក្នុងឬក្រៅប្រទេសឡើយទៅតាមចង់ចំនូលចិត្តនិងលទ្ធភាពរបស់មនុស្សម្នាក់ៗ មុននិងសំរេចចិត្តធ្វើអីមួយត្រូវជឿជាក់ខ្លួនឯងថាពេលធ្វើហើយហ៊ានទទួលស្គាល់ការពិតអត់ ? មិនថាតែនៅក្នុងឬក្រៅស្រុកនោះទេ ការកែសម្ភស្សមិនមែនបានន័យថាជោគជ័យទាំងអស់នោះទេ អ្នកខ្លះក៏ទទួលការបរាជ័យក្នុងការកែសម្ផស្សដែរ នេះបើតាមប្រសាសន៍របស់គ្រូពេទ្យផ្នែកកែសម្ភស្សនៅប្រទេសថៃ ។

បើមនុស្សដែលគេស្រលាញ់យើងស្មោះគេមិនដែលគិតពីរូបសម្បត្តិឡើយ ហើយបើមានគ្រួសារហើយក៏គួកុំទៅកែសម្ផស្សដែរ ព្រោះសុភមង្គលមិនមែនកើតឡើងដោយសារការកែសម្ផស្សឡើយ ទទួលស្គាល់ថាមនុស្សខ្លះចង់កែសម្ភស្សចង់ស្អាត តែក៏មើលមកខ្លួនឯងដែរថាវាអាចទៅរួចបានកំរិតណា ។ សរុបសេចក្តីមកមុននិងធ្វើអ្វីមួយត្រូវពិភាគ្សាជាមួយគ្រួសារនិងសំរេចចិត្តអោយជាក់លាក់មុននិងកែសម្ភស្សចៀសវាងមានវាវិប្បដិសារីនាថ្ងៃអនាគត។ ដោយក្តីគោរពស្រលាញ់: អុឹម ជីវ៉ា"៕