ផ្ទុះល្បីទៀតហើយ!!! MV ចេញថ្មី របស់ នាង គន្ធា និង នាយ ក្រាន់ ពិតជាឡូយអស់ស្ទះម៉ង (មានវីដេអូ)

នាង គន្ធា ដែលត្រូវបានមហាជនជាច្រើនស្គាល់ថាជា អតីតបេក្ខភាពក្នុងកម្មវិធីប្រឡងចម្រៀង លំដាប់ពិភពលោក Cambodian Idol រដូវកាលទី២ តែលទ្ធផលចុងក្រោយបង្អស់គឺនាងមិនបានជាប់ជ័យលាភីក្នុងកម្មវិធីមួយនេះឡើយ តែទោះជាយ៉ាងណាក្តី នាង គន្ធា ក៏បានក្លាយជាតារាចម្រៀងមួយរូបទៅហើយប្រចាំផលិតកម្មសាន់ដេ ទាំងនេះគឺដោយសារតែមានការជួយជ្រោមជ្រែង និងជួយនិពន្ធបទចម្រៀង ដោយតារាចម្រៀង និងអ្នកនិពន្ធ លោក អ៊ីណូ ផ្ទាល់តែម្តង។

ពីមួយថ្ងៃទៅមួយថ្ងៃ សម្លេងរបស់តារារូបនេះ កាន់តែពិរោះ ព្រមទាំងមានរូបសំរស់គួរឲ្យគួយគន់ផងដែរ។ បន្ទាប់ពីបាត់មុខសម្តែងមួយរយៈមក ស្រាប់តែម្សិលមិញនេះ ផលិតកម្មសាន់ដេ បានបញ្ចេញបទចម្រៀងរបស់ នាង គន្ធា មួយបទទៀតហើយ ក្រោមចំណងជើងថា "មន្តស្នេហ៍ប្រុសស្វិត" ដែលច្រៀងនិងសម្តែងរួមគ្នា ជាមួយ នាយ ក្រាន់ និងតារាល្បីៗជាច្រើនរូបទៀតផងដែរ។ ដូចនេះដើម្បីជ្រាបកាន់តែច្បាស់ថា បទចម្រៀងមួយនេះឡូយយ៉ាងណាទៅនោះ សូមទស្សនាទាំងអស់គ្នា៕