បែកធ្លាយថ្ងៃរៀបការពិតប្រាកដរបស់ កញ្ញា សុគន្ធ នីសា ហើយ ព្រមជាមួយរឿងដ៏ភ្ញាក់ផ្អើលមួយទៀតផងដែរ

តារាចម្រៀងស្រគត់ស្រគុំ កញ្ញា សុគន្ធ នីសា ដែលបានប្រកាសថា ខ្លួននឹងចូលរោងការចុងឆ្នាំ២០១៧នេះ ពិតជាចូលរោងការដូចអ្វីដែលនាងបាននិយាយមែនដោយពិធីដ៏សំខាន់មួយនេះនឹងប្រារម្ធឡើង នៅថ្ងៃទី១ ខែធ្នូ ឆ្នាំ ២០១៧ នៅខែក្រោយនេះតែម្តង ព្រមទាំងនឹងរៀបចំធ្វើនៅ សណ្ឋាគារសូហ្វីតែល ភ្នំពេញ ជាមួយកូនកំលោះឈ្មោះ ពៅ សម្បត្តិ ជាអ្នកជំនួញធំម្នាក់។

ដំណឹងមួយនេះបាន និងកំពុងតែក្លាយជាប្រធានមួយដ៏ក្ដៅគគុក ពាសពេញបណ្ដាញហ្វេសប៊ុក ដោយមានមហាជនជាច្រើន បានចោទសំណួរថា ហេតុអ្វីបានជាតារាចម្រៀង សុគន្ធ នីសា មិនបង្ហាញពីមុខមាត់គូដណ្ដឹង របស់ខ្លួន។ ពាក់ព័ន្ធនឹងសំណួរខាងលើ កញ្ញា សុគន្ធ នីសា មិនបានឆ្លើយតបនឹងសំណួរ របស់មហាជននៅឡើយទេ។ ផ្ទុយទៅវិញ នាងហាក់បីដូចជាព្រងើយកន្តើយ នឹងចម្ងល់របស់មហាជន ដោយក្រាញននៀល មិនព្រមបង្ហាញអត្តសញ្ញាណ អនាគតស្វាមី របស់ខ្លួនជាសាធារណៈម្ដងណាឡើយ ខណៈដំណឹងបានបញ្ជាក់ច្បាស់ថា នាងនឹងត្រៀមដឹកដៃគូស្នេហ៍ចូលរោងការ នៅថ្ងៃទី០១ ខែធ្នូ ខាងមុខនេះ។

ក្នុងនោះផងដែរអ្វីដែលរឹតតែធ្វើឲ្យអ្នកគាំទ្រភាគច្រើនបានការភ្ញាក់ផ្អើលនោះឈ្មោះពិតរបស់ កញ្ញា សុគន្ធ នីសា ក៏ត្រូវបានបង្ហាញផងដែរ ក្នុងធៀបការនោះ គឺឈ្មោះ ប៉ុន សុគន្ធា (សុគន្ធ នីសា) ។

គួរបញ្ជាក់ផងដែរថា លោក សុខ ជំនោរ ដែលធ្លាប់ស្រលាញ់គ្នាជាមួយ សុគន្ធ នីសា ក៏នឹងចូលរោងការនៅថ្ងៃទី២៦ ខែវិច្ឆិកា ឆ្នាំ២០១៧ ដែលនៅសល់តែប៉ុន្មានថ្ងៃទៀតទេ នៅមជ្ឈមណ្ឌលកោះពេជ្រ ដោយអនាគតភរិយារបស់លោក គឺជាបុគ្គលិកធនាគារឯកជនមួយនៅភ្នំពេញ៕