ក្តៅៗ ថ្មីៗ!!! ពេលនេះអ្នកនាង ម៉េង កែវពេជ្ជតា ថាឲ្យកប់ៗមាត់ម៉ងចំពោះអ្នកដូរលុយខ្មែរច្រើន រូបរាង

ប្រហែលជាពីរម៉ោងមុននេះគឺមានប្រតិកម្មមួយចេញពីតារាចម្រៀងជើងចាស់ដែលល្បីល្បាញបំផុតក្នុងប្រទេសកម្ពុជា ក៏ដូចជានៅបរទេសផងដែរ ដោយគាត់បាននិយាយទាក់ទងទៅនឹងលុយខ្មែរដែលមានការផលិតញឹកញាប់។ ក្នុងនោះផងដែរអ្នកនាងម៉េង កែវពេជ្ជតាក៏បានរៀបរាប់បន្ថែមទៀតថា៖

"និយាយពីរឿង រូបីយប័ណ្ណ ( លុយ ) នៅស្រុកខ្ញុំ ម្តេចក៍មានច្រើនរូប ច្រើនបែបម្ល៉េះ ? ចំនួនទឹកប្រាក់តែមួយ ប៉ុន្តែមានរូបរាង ព៌ណ រូបភាព ទំហំផ្សេងៗគ្នា ធ្វើអោយអ្នកចាយមានការវង្វេងវង្វាន់ភាន់ច្រលំ ។ នេះសំរាប់ប្រជាពលរដ្ឋខ្មែរផង ចុះទំរាំជនបរទេសទៀត តើគេនឹងពិបាកស្គាល់យ៉ាងម៉េចទៅ ? ខ្ញុំមិនដឹងថា នេះជាគោលការណ៍សេដ្ឋកិច្ចអ្វីទេ តែខ្ញុំឆ្ងល់មែន ព្រោះមិនដែលឃើញលុយ អាមេរិក បារាំង អូស្ត្រាលី .. ដូរញឹកញាប់ដូច្នេះផង គឺទាល់តែយូរណាស់ ទើបដូរម្តង ។ ឆ្ងល់"

បន្ទាប់ពីបានឃើញសារដែលអ្នកនាងបានបង្ហោះរួចហើយ គេក៏ឃើញមានមតិយោបល់ផ្សេងៗពីការរៀបរាប់របស់អ្នកនាងផងដែរ ដោយមានអ្នកខ្លះបានបញ្ចេញយោបល់ថា៖

"ខ្ញុំចង់និយាយរឿងហ្នឹងដែរ តែមិនហ៊ាននិយាយ បើនិយាយមិនស្រួលគេប្តឹង គេចាប់បាត់ឥឡូវ គេបោះពុម្ភលុយអោយចាយ ខ្ញុំចេះតែចាយទៅ។ គំនិតបងស្រី

👍

👍 ពេលខ្លះចង់តែស្នើអោយបោះពុម្ភតែ១ប្រភេទ បានហើយ។ ឧ: ១០០រៀល ដល់ ១០០០០០រៀល កុំអោយមានច្រើនប្រភេទ ច្រើនពណ៌ពេក ។"

"បងអើយពេលខ្លះសឹងតែមិនចងបាលុយខ្មែរច្រើនទេព្រោះពិបាកទាំងទំហំ នឹងពណ៍ខុសគ្នារហូត កុំថាឡើយដល់បរទេស សុំបីខ្ញំដែលជាខ្មែរ ហើយភ្នែកអាចមើលបានច្បាស់ផងនៅយល់ថាពិបាក បើដូរអិតល្ហែយ៉ាងនេះ ។"

មតិខាងលើនេះគ្រាន់តែជាការដកស្រង់ខ្លះៗតែប៉ុណ្ណោះ នៅមានមតិជាច្រើនទៀតដែលចូលមក comment ក្នុង status របស់អ្នកនាង ម៉េង កែវពេជ្ជតា ដោយមតិស្ទើរតែទាំងអស់នោះសុទ្ធតែគាំទ្រនូវការលើកឡើងរបស់អ្នកនាង។