មានមួយទៀតហើយ អត់ការងារធ្វើជាប់ខ្នោះលេង!!! នៅមិនសុខទៅចាប់របស់ពិសេសគេលេង (មានវីដេអូរៀបរាប់)

រាជធានីភ្នំពេញ៖ សមត្ថកិច្ចព្រហ្មទណ្ឌនៃអធិការដ្ឋាននគរបាលខណ្ឌមានជ័យ នៅរសៀលថ្ងៃទី១៧ ខែវិច្ឆិកា ឆ្នាំ២០១៧ នេះ បានបញ្ជូនបុរសដែលយកដៃស្ទាបសុដន់អ្នកលក់ប្រហិត ទៅកាន់សាលាដំបូងរាជធានីភ្នំពេញ ដើម្បីចាត់ការបន្ដតាមនីតិវិធី។

សមត្ថកិច្ចបានប្រាប់ឲ្យដឹងថា បុរសជាជនសង្ស័យមានឈ្មោះ ឈន ចយ ហៅតុងងុយ ភេទប្រុស អាយុ២២ឆ្នាំ មុខរបរកម្មករ ទីលំនៅមិនប្រាកដ។ ចំណែកនារីរងគ្រោះមាន អាយុ២៥ឆ្នាំ មុខរបរលក់ប្រហិត ស្នាក់នៅផ្ទះលេខ០៤បេ ផ្លូវបេតុង ភូមិដំណាក់ធំ៤ សង្កាត់ស្ទឹងមានជ័យ២ ខណ្ឌមានជ័យ។

សមត្ថកិច្ចបានបន្ដថា កាលពីវេលាម៉ោង៨និង០០នាទី យប់ថ្ងៃទី១៤ ខែវិច្ឆិកា ឆ្នាំ២០១៧ ជនសង្ស័យ៤ទៅ៥នាក់នាំគ្នាទៅស្ទាបសុដន់នារីជាអ្នកលក់ប្រហិតម្នាក់ បង្កការភ្ញាក់ផ្អើលនៅចំណុចផ្លូវលំ ក្នុងភូមិដំណាក់ធំ៤ សង្កាត់ស្ទឹងមានជ័យ២ ខណ្ឌមានជ័យ។

ប្រភពដដែលបានបន្ដថា ដំបូងឡើយនារីរងគ្រោះបានដើរចេញពីកន្លែងលក់ទៅផ្ទះដែលមានទីតាំងក្បែរគ្នា លុះដើរមិនទាន់ដល់ផង ស្រាប់តែលេចមុខជនសង្ស័យខាងលើ រត់មកក្បែររួចយកដៃស្ទាបសុដន់របស់នាង ហើយទាញនាងទៅកន្លែងងងឹត តែត្រូវនាងស្រែកឆោឡោថា មានគេចង់ចាប់រំលោភ បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋក្បែរខាង នាំគ្នាអន្តរាគមន៍ព្រួតវាយម្នាក់មួយដៃមួយជើង បណ្ដាលឲ្យរងរបួសប៉ោងផ្ទៃមុខ ទើបសម្រេចប្រគល់ជូនសមត្ថកិច្ច៕