ឯកឧត្តម ជា សុផារ៉ា លេងមួយក្បាច់នេះ ធ្វើឲ្យប្រជាជនខ្មែរពេញចិត្តស្តូកតែម្តង

​បើ​យោង​តាម​សេចក្ដី​ជូនដំណឹង​ ចុះ​កាល​ពី​ថ្ងៃទី២៦ ខែ​ធ្នូ ឆ្នាំ​២០១៧ បានឲ្យដឹងថា រដ្ឋមន្រ្តី​រៀបចំដែនដី នគរូបនីយកម្ម និង​សំណង់ ឯកឧត្តម ជា សុផារ៉ា បាន​ចេញ​លិខិត​ប្រកាសមួយដើម្បី ឲ្យ​បណ្តា​ក្រុមហ៊ុន​សំណង់​ទាំងអស់​ទូទាំងប្រទេស ប្រើប្រាស់​អក្សរ​ខ្មែរនៅ​លើ​ផ្ទាំង​គំនូរ​សំណង់ និង​ផ្ទាំងផ្សព្វផ្សាយ​តាម​ការដ្ឋាន​សំណង់ ដើម្បី​ចូលរួ​ម​លើក​ស្ទួយ​អត្តសញ្ញាណជាតិ​ខ្មែរ។

ហើយចំពោះការសរសេរនោះគឺត្រូវគោរពតាមគោលការណ៍ខាងក្រោមនេះ៖

១- ​អក្សរ​ខ្មែរ​ត្រូវ​សរសេរ​ឲ្យ​បាន​ធំ​ជាង​អក្សរ​បរទេស ហើយ​ដាក់​នៅ​ជួរ​ខាងលើ
២- ​អក្សរ​បរទេស​អាច​សរសេរ​នៅ​ខាងក្រោម និង​មាន​ទំហំ​ពាក់​កណ្ដាល​នៃ​អក្សរ​ខ្មែរ
៣- ការ​សរសេរ​អក្សរ​ខ្មែរ ត្រូវ​អនុវត្ត​តាម​វចនានុក្រម​របស់​សម្ដេច​ព្រះ​មហាសុមេធាធិបតីជោគញ្ញាណោ "ជួនណាត"៕