ពិតជាអាសូរណាស់លោកអើយ!!! ក្មេងស្រីស្រស់ស្អាតអាយុទើបតែ១៤ឆ្នាំម្នាក់ឆក់ខ្សែទូរស័ព្ទកំពុងសាកថ្ម ស្លាប់ភ្លាមៗនៅនឹងកន្លែង

កាលពីកន្លងទៅថ្មីៗនេះ នៅក្នុងភូមិ Dong ឃុំ Son Chau ស្រុក Hong Son ខេត្ត Ha Tinh ក្នុងប្រទេសវៀតណាម មានករណីដ៏រន្ធត់មួយបានកើតឡើងចំពោះក្មេងស្រីម្នាក់ដែលទើបតែមានអាយុ១៤ឆ្នាំប៉ុណ្ណោះដែលរៀនបានថ្នាក់ទី៩ បានស្លាប់ភ្លាមៗនៅនឹងកន្លែង ក្នុងខណៈពេលដែលនាងបានសាកទូរស័ព្ទ។

បន្ទាប់ពីបានទទួលដំណឹងនេះហើយមានមិត្តភក្តិរបស់ក្មេងស្រីខាងលើមានអារម្មណ៍ស្លុតចិត្តជាខ្លាំងដែលមិនគួរណានាងស្លាប់លឿនបែបនេះសោះ ព្រោះទើបតែរៀនជាមួយគ្នាសោះ ហើយអ្វីដែលរឹតតែគួរឲ្យអាណិតបំផុតនោះក្មេងស្រីម្នាក់នេះស្លូតបូតគួរឲ្យស្រឡាញ់ថែមទៀត។

មុនពេលកើតហេតុបងស្រីរបស់ក្មេងដែលស្លាប់ខាងលើនេះក៏ធ្លាប់បានប្រាប់ជាច្រើនដងដែរថា ខ្សែទូរស័ព្ទនេះវាចាស់ណាស់ទៅហើយ ណាមួយវាមានស្នាមដាច់ថែមទៀត តែក្មេងស្រីខាងលើចេះតែថាស្តាយលុយមិនទាន់ហ៊ានដូរ ដោយគិតថាវានៅអាចប្រើបាន ក៏ចេះតែទ្រាំប្រើសិនចុះ។

ក្នុងនោះផងដែរមានសារក្តុកក្តួលជាច្រើនបានបង្ហោះតាមបណ្តាញហ្វេសប៊ុកពីមិត្តរបស់ក្មេងស្រីខាងលើថា៖ ឯងធ្លាប់សន្យាថានឹងរៀនឲ្យបានចប់ដើម្បីមានការងារល្អមួយអាចចិញ្ចឹមឪពុកម្តាយជាការតបស្នងសងគុណគាត់វិញនោះអី តែពេលនេះហេតុអ្វីក៏ឯងទៅចោលពួកគាត់យ៉ាងនេះ? តើឯងដឹងទេថាពួកគាត់ទាំងពីរនាក់នេះមានការសោកសៅយ៉ាងណា? ព្រោះពួកគាត់ហត់ណាស់ទំរាំចិញ្ចឹមឯងឲ្យបានរៀនសូត្រធំប៉ុននេះនោះ? ឯងជាក្មេងល្អ ក្មេងស្លូតម្នាក់ មិត្តភក្តិគ្រប់រូបស្រឡាញ់ឯងខ្លាំងណាស់។ តើឯងដឹងទេថាពួកយើងសោកសៅប៉ុណ្ណាពេលដែលបាត់បង់ឯងទៅនោះ?