ហួសចិត្តចោរម្នាក់នេះម៉ង!!! ឆក់ទូរស័ព្ទគេបានហើយ បែរជារត់ចូលប៉ុស្តិ៍ប៉ូលិសទៅវិញ (មានវីដេអូ)

កាលពីកន្លងទៅនេះមានរឿងដែលគួរឲ្យអស់សំណើចជាខ្លាំង ដែលបានកើតឡើងចំពោះស្ត្រីម្នាក់ដែលបានចុចទូរស័ព្ទតាមផ្លូវ ស្រាប់តែមួយសន្ទុះក្រោយមកក៏ត្រូវបានចោរឆក់ទូរស័ព្ទរបស់នាងបានសម្រេច ខណៈពេលនោះនាងព្យាយាមរត់ដេញរហូតដល់ដួលត្រឡប់ត្រឡិន ចំណែកឯចោរនោះចេះតែរត់ នេះបើតាមការចុះផ្សាយរបស់ហ្វេសប៊ុកមួយឈ្មោះ 7 News Sydney។

ក្នុងនោះផងដែរអ្វីដែលធ្វើឲ្យគេហួសចិត្ត ហើយអស់សំណើចនោះ គឺនៅពេលដែលគាត់ឆក់ទូរស័ព្ទនោះបានហើយ គាត់រត់ភ្លេចមើលក៏ចូលប៉ុស្តិ៍ប៉ូលិសតែម្តង ហើយនៅទីបំផុតគាត់ក៏ត្រូវបានប៉ូលិសចាប់បានទៅ។ ចំណែក​ឯរឿងហួសចិត្តមួយទៀតនោះគឺមានអ្នករិះគន់ប៉ូលិសទៅវិញថា "ឆ្ងល់ប៉ូលិសម្នាក់នេះដល់ហើយ ចុះបារីដែលគាត់ជក់នោះហេតុអ្វីក៏មិនបោះចោលសិនទៅ នៅតែប្រឹងជក់បារីទៀត"។ ដូចនេះដើម្បីជ្រាបកាន់តែច្បាស់សូមទស្សនាវីដេអូដូចខាងក្រោមនេះ៖