តើវាជាអ្វីទៅ? ពិធីការិនី សុភ័ក្រ្ត កុសុម៉ា និយាយថាបើអត់របស់ទាំងនេះក្នុងកាបូបទេ ជីវិតរបស់គាត់នឹងឥតន័យហើយ (មានវីដេអូ)

ពិធីការិនីដែលកំពុងសាងកេរ្តិ៍ឈ្មោះល្បីល្បាញក្នុងវិស័យសិល្បៈ និងទទួលបានការគាំទ្រយ៉ាងខ្លាំង សុភ័ក្រ្ត កុសុម៉ា មិនត្រឹមតែចេះច្រៀង និងសម្ដែងវោហារកំប្លុកកំប្លែងទេ នាងថែមទាំងជាមនុស្សល្អិតល្អន់លើការរៀបចំទុកដាក់ និងតុបតែងខ្លួនផងដែរ។ ក្នុងនោះនាងបានឲ្យដឹងថាមានរបស់១ប្រភេទដែលមិនភ្លេចយកតាមខ្លួនតែម្ដង។

ជំនួបជាមួយសារព័ត៌មានក្នុងស្រុកមួយបានលើកឡើងថា ក្នុងពិធីមង្គលការរបស់អ្នករួមអាជីព កុសុម៉ា តែងខ្លួនយ៉ាងឡូយ មើលទៅស្រស់ស្អាតគួរឲ្យស្រលាញ់។ ពេលទទួលបានសំណួរថា តើកញ្ញាចំណាយពេលយូរប៉ុណ្ណាដើម្បីតុបតែងខ្លួនម្ដងៗ ហើយចូលចិត្តស្លៀកពាក់ពណ៌អ្វី?

កុសុម៉ា និយាយទាំងផ្ទុះសំណើចថា៖ "ធម្មតាមុខខ្ញុំអំណោយផលស្រាប់ ចឹងផាត់យូរ ក៏ប៉ុណ្ណឹង លឿនក៏ប៉ុណ្ណឹង ដូច្នេះហើយមិនសូវខ្ជះខ្ជាយពេលតែងខ្លួននោះទេ តែងត្រឹមពីកន្លះម៉ោង អីបានហើយ...(សើច)"។ ឯពណ៌សម្លៀកបំពាក់វិញ កុសុម៉ា បង្ហើបថា នាងចូលចិត្ត ក្រហម និងខ្មៅ ហើយទូទៅ គឺពាក់តែម្ដងៗប៉ុណ្ណោះ។

តារាស្រីសម្បុរស្រអែម បានទម្លាយរឿងរ៉ាវផ្ទាល់ខ្លួនថា នាងអាចភ្លេចទូរស័ព្ទដៃនៅតុអាហារ តែជីវិតរបស់នាងទៅណាមកណា ក៏មិនភ្លេចរបស់១ឈុតនេះតាមខ្លួនដែរ នោះគឺគ្រឿងតុបតែងមុខ។

និយាយផងបង្ហាញផង កុសុម៉ា បើកកាបូបតូច១សម្រាប់ចូលរួមកម្មវិធីអាពាហ៍ពិពាហ៍របស់នាង ដែលក្នុងនោះពោរពេញដោយម្សៅ ជក់ផាត់មុខ កាវបិទរោមភ្នែក ទឹកអប់ និងគូល័រថ្ពាល់។ កុសុម៉ា និយាយមុខស្ងួតថា៖ "ជីវិតខ្ញុំ បើអត់គ្រឿង Make-Up គឺអត់ន័យ"៕