ផ្អើលទៀតហើយ!!! លោក ម៉ៃ សុគន្ធ ចេញមកបកស្រាយហើយចំពោះអ្នកដែលរិះគន់លោករឿងបទ "Tak Tun Tuang" (មានវីដេអូ)

ប្រហែលជាប៉ុន្មានម៉ោងមុននេះលោក ម៉ៃ សុគន្ធ បានបង្ហោះសារមួយចំនួន ព្រមមានវីដេអូផងដែរ ដោយសម្តែងនូវអារម្មណ៍មិនសប្បាយចិត្តមួយចំនួនចំពោះអ្នកដែលបានរិះគន់លោក ជាពិសេសរឿងបទ "Tak Tun Tuang"។ ដោយក្នុងនោះផងដែរ លោកបានសរសេរក្នុងហ្វេសប៊ុករបស់លោកថា៖

"បទ អត់គូរអត់លិឍTak tun tuang មួយបទនេះ វាស្ទើរតែមួយអាសុីទៅហើយ ដែលគេCover ហើយគេតែងតែរក្សាធាតុដើមរបស់បទ គឺ គោរពសិទ្ធម្ចាស់ដើម🎼🎼 ណាមួយវាជាបទសប្បាយៗ គួរបើកចិត្តអោយសប្បាយៗផង ដោយក្តីអនុគ្រោះ🙏🏼"

គួរបញ្ជាក់ផងដែរថា បទ “Tak Tun Tuang” ជាបទដ៏ពេញនិយមមួយរបស់ប្រទេសឥណ្ឌូនេស៊ី និងទទួលបានការចាប់អារម្មណ៍ខ្លាំងតាមបណ្ដាប្រទេសក្នុងតំបន់អាស៊ី​ ព្រមទាំងចម្លងតាមផងដែរ ព្រោះដោយសារបទមួយនេះបែបសប្បាយៗ។ ដូចនេះដើម្បីជ្រាបកាន់តែច្បាស់ សូមទៅស្តាប់ការបកស្រាយរបស់លោក ម៉ៃ សុគន្ធ ព្រមទាំងចម្រៀងរបស់លោក និងចម្រៀងម្ចាស់ដើមផងដែរ៕