វីល្លៀមប្រតិកម្មយ៉ាងខ្លាំងចំពោះអ្នកទទួលបានអាសនៈ សម្រាប់តំណាងរាស្ត្រថ្មី និងកោតសរសើរដល់លោក ខឹម វាសនា ព្រោះតែ...(មានវីដេអូ)

រឿងរ៉ាវនៅក្នុងសង្គមមួយពិតជាមានភាពស្មុគស្មាញមែន ដោយពីមួយជំហ៊ានទៅមួយជំហ៊ានតែងតែមានរឿងមិនចេះចប់មិនចេះហើយ ដោយក្នុងនោះផងដែរ កាលពីម្សិលមិញនេះលោកវីល្លៀមមានប្រតិកម្មយ៉ាងខ្លាំងចំពោះតំណាងរាស្ត្រថ្មីដែលទើបទទួលបានអាសនៈ ក្នុងនោះផងដែរក៏នៅមានរឿងជាច្រើនទៀតដែលទាក់ទងការគុំគួនគ្នាទៅវិញទៅមក នេះបើតាមការបកស្រាយ និងពន្យល់រឿងមួយចំនួនដែលលោកវីល្លៀមបានបញ្ជាក់។ ដូចនេះដើម្បីទទួលបាននូវព័ត៌មានឲ្យបានពិស្តារសូមទៅទស្សនាវីដេអូរបស់លោកទាំងអស់គ្នាដូចខាងក្រោមនេះ៖

គួរបញ្ជាក់ឡើងវិញផងដែរថា នៅព្រឹកថ្ងៃទី២៧ ខែវិច្ឆិកា ឆ្នាំ២០១៧ កាលពីម្សិលមិញនេះ រដ្ឋសភាបានប្រកាសសុពលភាពតំណាងរាស្ត្រថ្មី ចំនួន៤៤រូប មកពីគណបក្សហ៊្វុនស៊ិនប៉ិច គណបក្សសញ្ជាតិកម្ពុជា និងគណបក្សខ្មែរអភិវឌ្ឍន៍សេដ្ឋកិច្ច ដែលទទួលបានអាសនៈពីការបែងចែករបស់គណៈកម្មាធិការជាតិរៀបចំការបោះឆ្នោត (គ.ជ.ប) និងសម្រេចលើសំណើសុំលាលែងពីតួនាទី និងតំណែងអនុប្រធាន និងសមាជិក គ.ជ.ប ចំនួន ៣រូប និងជ្រើសរើសបេក្ខជនអនុប្រធាន និងសមាជិក គ.ជ.ប។

តំណាងរាស្ត្រទាំង៤៤រូប ត្រូវបានបង្ហាញមុខក្នុងរដ្ឋសភា បន្ទាប់ពីប្រធានរដ្ឋសភាបានប្រកាសសុពលភាពរួច។ សម្តេចក្រុមព្រះ នរោត្តម រណឫទ្ធិ ប្រធានគណបក្សហ៊្វុនស៊ិនប៉ិច បានមានបន្ទូលថ្លែងប្រាប់ក្រុមអ្នកកាសែតបន្ទាប់ពីចប់ប្រជុំសភាថា ចំពោះការបែងចែកអាសនៈនេះ គឺព្រះអង្គទទួលយកដោយរីករាយជាទីបំផុត៕