ធ្វើការយូរហើយ មិនបានឡើងស័ក្តិ!!! មន្រ្តីនគរបាលម្នាក់ បាញ់សម្លាប់ខ្លួនឯងក្នុងបន្ទប់ទឹក បន្សល់ទុកសារនៅលើអាវ ធ្វើឲ្យគេឆ្ងល់គ្រប់ៗគ្នា

មន្រ្តីនគរបាលម្នាក់ ដែលធ្លាប់យាមប្រចាំការនៅ ធនាគារ អេ ស៊ី លី ដា នៅទីរួមខេត្តកោះកុង បានយកកាំភ្លើងបាញ់សម្លាប់ខ្លួនឯងក្នុងបន្ទប់ទឹក បង្កឲ្យភ្ញាក់ផ្អើល នៅវេលាម៉ោងប្រមាណ ៣ និង ៣០នាទី រសៀលថ្ងៃទី២៨ ខែវិច្ឆិកា ឆ្នាំ២០១៧ នេះ។

តាមប្រភពព័ត៌មាន បានឲ្យដឹងថា មន្រ្តីនគរបាលរងគ្រោះមានឈ្មោះ ផេង គ្រី អាយុជាង ៤០ឆ្នាំ ដោយការបាញ់សម្លាប់់ខ្លួនឯងនេះ នៅមិនទាន់ដឹងមូលហេតុពិតនៅឡើយទេ ដោយគ្រាន់តែឃើញជនរងគ្រោះសរសេរបណ្តាំនៅលើអាវរបស់ខ្លួនថា «ការស្លាប់ ខ្ញុំមិនបានពាក់ព័ន្ធជាមួយនរណាទាំងអស់ គឺស្លាប់ដោយខ្លួនឯង ពីខ្ញុំ ផេង គ្រី។ លាហើយអ្នកទាំងអស់គ្នា»។

បើតាមការពិនិត្យឃើញជាក់ស្តែងនៅកន្លែងកើតហេតុនោះ ជនរងគ្រោះបានយកកាំភ្លើងអាកាបាញ់សម្លាប់ខ្លួនឯង។ បច្ចុប្បន្ននេះ កម្លាំងសមត្ថកិច្ចជំនាញកំពុងជួយអន្តរាគមន៍ និងពិនិត្យនៅកន្លែងកើតហេតុ។

ប្រភពជុំវិញកន្លែងកើតហេតុបាននិយាយថាអាចជាមូលហេតុ គឺដោយសារមន្ត្រីប៉ូលិសរូបនេះ តូចចិត្ត ដោយសារតែរូបខ្លួនចូលធ្វើប៉ូលិសយូរហើយ មិនបានឡើងស័ក្តិនឹងគេ ហើយមិត្តរួមការងារខ្លះមួយឆ្នាំ ឡើងស័ក្តិ២ដងឯណោះ ។ បច្ចប្បន្ន សមត្ថកិច្ចជំនាញកំពុងស្រាវជ្រាវបន្ត ៕