ពិតជាអស្ចារ្យណាស់!!! ចិនបានយល់ព្រមបញ្ជូនក្រុមអ្នកជំនាញអោយមកសិក្សារកផ្ទៃដីទំហំ ៣០០០ហិចតា សម្រាប់ផលិតពូជស្រូវ បើជោគជ័យមែននោះនឹង...

បើយោងតាមហ្វេសប៊ុកផេកផ្លូវការរបស់ ឯកឧត្ដមបណ្ឌិត ម៉ុង ឫទ្ធី កាលពីថ្ងៃទី២៣ ខែធ្នូ ឆ្នាំ២០១៧ គាត់បានប្រកាសជាផ្លូវការនូវរឿងដ៏រំភើបមួយដែលទាក់ទងទៅនឹងប្រទេសកម្ពុជារបស់យើង ដោយក្នុងនោះលោកបានបញ្ជាក់យ៉ាងលម្អិតថា៖

"ក្នុងដំណើរបំពេញទស្សនកិច្ចនៅលើទឹកដីនៃប្រទេសចិនរយ:ពេល៥ថ្ងៃ គឹតចាប់តាំងពិថ្ងៃទី១៨ដល់ថ្ងៃទី២២ ខែធ្នូ ឆ្នាំ២០១៧ តាងនាមរូបខ្ញុំជាប្រធានគណកម្មការទី៣ព្រឹទ្ធសភានៃព្រះរាជាណាចក្រកម្ពុជា និងជាប្រធានក្រុមមិត្តភាពទ្វេភាគីព្រឹទ្ធសភាកម្ពុជា-សភាប្រឹក្សានយោបាយចិន(CPPCC) បានដឹកនាំគណប្រតិភូកម្ពុជាមកបំពេញទស្សនកិច្ចសិក្សាស្វែងយល់ លើវិស័យកសិកម្ម កសិឧស្សាហកម្មនៅក្នុងខេត្ត Xinjiang ប្រទេសចិន ។
ប្រតិភូអមដំណើរួមមានឯកឧត្តមជា ចន្ទបរិបូណ៍រដ្ឋលេខាធិការក្រសួងពត៍មាន លោកចាន់ តារាសរុបប្រតិភូទាំងអស់ចំនួន៨រូប ។

ប្រតិភូកម្ពុជាយើងត្រូវបានទទួលស្វាគមន៍ដោយផ្ទាល់ពីឯកឧត្តម Suo Yue លេខាបក្សខេត្តសុីន ជាំង Xinjiang នឹងឯកឧត្តម Deng Xiangdong ជាអភិបាលក្រុង Changji លោកអគ្គនាយកក្រុមហ៊ុនសាជីវកម្ម Jia Hong រួមទាំងសហការីជាច្រើនរូបទៀត ។ នៅថ្ងៃទី២២ ខែធ្នូ ឆ្នាំ២០១៧ គឺជាថ្ងៃបញ្ខប់ដំណើរទស្សនកិច្ចនេះ ភាគីទាំងពីរបានរៀបចំកិច្ចប្រជុំមួយដើម្បីបូកសរុបលទ្ធផលដំណើរទស្សនកិច្ចនេះ។

នៅក្នុងឆ្នាំ២០១៨ខាងមុខនេះភាគីចិនបានយល់ព្រមបញ្ជូនក្រុមអ្នកជំនាញបច្ចេកទេស អោយមកសិក្សារកផ្ទៃដីទំហំ3.000ha សម្រាប់ផលិតពូជស្រូវ និងធ្វើស្រែប្រសិនបើទទួលបានជោកជ័យ និងបង្រីកផ្ទៃដីបន្ថែមទៀត ក្នុងនោះផងដែក្រុមហ៊ុនសាជីវកម្មនេះក៏ត្រូវបញ្ជូនក្រុមអ្នកជំនាញបច្ចេកទេស អោយមកសិក្សារកទីតាំងសម្រាប់ដាំបន្លែ ផ្លែឈើ ចិញ្ចឹមគោ និងពពែផងដែ ។"