សម្តីក្មេងស្រីម្នាក់នេះនិយាយតែប៉ុន្មានម៉ាត់សោះ បានធ្វើឲ្យលោក ហ៊ុន ម៉ាណែត ស្ទើរតែអួលដើម ក ទៅហើយ

កាលពីពេលកន្លងទៅថ្មីៗនេះ មានក្មេងស្រីសិស្សសាលាម្នាក់បានបញ្ចេញភាពក្លាហាននិងគួរឲ្យស្ងើចសរសើរនូវទឹកចិត្តដ៏ល្អបរិសុទ្ធលាយឡំនិងទឹកហូរស្រិចៗផងនេះ បានធ្វើឲ្យកូនប្រុសច្បងនាយករដ្ឋមន្ត្រីកម្ពុជា អួលដើមក និងស្ទើរតែស្រក់ទឹកផ្នែកដោយមិនដឹងខ្លួន ជាមួយនឹងសម្តីដ៏មានអត្ថន័យប្រយោជន៍សម្រាប់ជាតិជាធំ ទោះគេបានទទួលមកខ្លួនផ្ទាល់ក៏ដោយ។

ខាងក្រោមនេះជាខ្លឹមសារដ៏មានន័យដែល លោក ហ៊ុន ម៉ាណែត បានដកស្រង់សម្តីរបស់ក្មេងស្រីម្នាក់៖

"ពួកខ្ញុំសុំលោកពូនិងសម្ដេចអោយជួយកសាងអគារបន្ថែមនេះ ទោះបីជាពួកខ្ញុំនៅសល់តែពីរខែទៀតរៀនចប់នៅសាលានេះ ហើយត្រូវផ្តូរទៅរៀននៅវិទ្យាល័យក៏ដោយ ក៏ពួកខ្ញុំសុំ ដើម្បីកុំអោយសិស្សប្អូនខ្ញុំជំនាន់ក្រោយៗលំបាកដូចពួកខ្ញុំ" នេះជាសម្តីមួយឃ្លារបស់ក្មួយៗថ្នាក់ទី៩ (នៅអនុវិទ្យាល័យត្រពាំងបី ក្នុងឃុំតាកែន ស្រុកឈូក ខេត្តកំពត) ដែលខ្ញុំមិនអាចបំភ្លេចបាននិងសូមសរសើរដោយស្មោះ ពេលពួកគេសុំខ្ញុំអោយជួយកសាងអគារសិក្សាបន្ថែមមួយខ្នងទៀត ដោយសារសិស្សកាន់តែច្រើននិងមានការខ្វះខាតអគារសិក្សា។

ទោះបីជាក្មួយៗនៅក្មេង ប៉ុន្តែសម្តីមួយឃ្លានេះបានបង្ហាញពីឆន្ទៈនិងការគិតពីផលប្រយោជន៏រួម បើទោះជាក្មួយៗនឹងមិនបានទទួលផលនេះផ្ទាល់ ក៏ក្មួយៗចង់បានផលនេះទុកសម្រាប់សិស្សប្អូននិងលោកគ្រូអ្នកគ្រូរបស់ក្មួយៗដែរ ហើយនេះគឺជាអ្វីដែលគួរអោយគោរពណាស់។”

ជាការឆ្លើយតប សម្តេចតេជោ ហ៊ុន សែន បានឯកភាពផ្តល់ជូននូវ អគារមួយខ្នង ៦បន្ទប់ និងអគារទីចាត់ការមួយខ្នង ដែលបានចាប់ផ្តើមដំណើរការសាងសង់កាលពី ថ្ងៃទី០៩ ខែកក្កដា ឆ្នាំ២០១៧ ដែលមានឯកឧត្តមចាន់ ចេស្ដា អភិបាល នៃគណៈអភិបាល ខេត្ត បានអញ្ជើញ ជាអធិបតី ក្នុងពិធីបញ្ចុះ បឋមសីលា កសាង អគារសិក្សា នៅអនុវិទ្យាល័យ ត្រពាំងបី ស្ថិតក្នុងឃុំតាកែន ស្រុកឈូក ខេត្តកំពត។

ក្នុងឱកាសនោះ ឯកឧត្តម ចាន់ ចេស្ដា ក៏បាន នាំមក នូវថវិការបស់ សម្ដេច តេជោហ៊ុន សែន និង សម្ដេច គតិព្រឹទ្ធ បណ្ឌិត ប៊ុនរ៉ានីហ៊ុនសែន ជូនដល់ ប្រជាពលរដ្ឋ ដែលបាន ចូលរួម ចំនួន២៥០នាក់ ម្នាក់ៗ១ម៉ឺនរៀល លោក គ្រូអ្នកគ្រូ ១៩នាក់ ម្នាក់២ ម៉ឺនរៀល សិស្ស ជាង៤០០នាក់ ម្នាក់៥ ពាន់រៀល ព្រមទាំងយាយជី តាជី និងកងកម្លាំង ប្រដាប់អាវុធ មួយចំនួនផងដែរ៕