ដំណក់ទឹកភ្នែកពីមុនបានក្លាយជាស្នាមញញឹមនៅពេលនេះ ដោយប្អូនស្រីកំសត់ទាំងពីរនាក់នេះទទួលបាន...
ប្រហែលជា១ម៉ោងមុននេះក្នុងហ្វេសប៊ុករបស់បងប្រុសម្នាក់ឈ្មោះ Lee Sinhourn បានបង្ហោះសារដ៏រំភើបមួយជំនួសក្មេងស្រីអភ័ពពីរនាក់បងប្អូន ដែលមានការចុះផ្សាយកន្លងមកនេះ ហើយពេលនេះប្អូនស្រីទាំងពីរនាក់នេះត្រូវបានអ្នកចិត្តបុណ្យជាច្រើនតែងតែផ្តល់ថវិការ ក៏ដូចជារបស់របរផ្សេងៗជាហូរហែរ ក្នុងនោះផងដែរបងប្រុសខាងលើបានសរសេរបញ្ជាក់បន្ថែមទៀតថា៖
លោកសុង ខួនបានឧបត្ថម្ភម៉ូតូអាគុប១គ្រឿងថវិកា១៥ម៉ឺនរៀលនិងថវិកាសម្រាប់ចំណាយប្រចាំខែ១០ម៉ឺនរៀលបន្ថែមទៀតដល់ប្អូនស្រីដៀប ស្រីនិច្ច។ទឹកលុយមិនឈ្នះទឹកចិត្តទេព្រោះនេះជាពាក្យពេចន៍លោកសុង ខួន។ សមាគមឧត្តមគតិកូនខ្មែរសូមថ្លែងអំណរ គុណជាអនេកចំពោះលោកសុង ខួន
ដែលស្រលាញ់គាំទ្រសិស្សនិស្សិតក្រីក្ររៀន ពូកែផង។ ខាងសមាគមឧត្តមគតិកូនខ្មែរនឹង ខិតខំស្រាវជ្រាវរាវរកយុវសិស្សនិស្សិតក្រីក្របន្តទៀតដើម្បីជួយលើកទឹកចិត្តពួកគាត់កុំឲ្យឈប់ដោយសារខ្វះលទ្ធភាពសិក្សានោះ។ នេះជាការរួមចំណែកមួយដែរដើម្បីសង្គមជាតិមាតុភូមិរបស់យើងទាំងគ្នា៕"
Lim Bunseng បានរៀបរាប់ក្នុងហ្វេសប៊ុករបស់គាត់ដែរដោយបានប្រាប់ឲ្យដឹងថា៖ "ថ្ងៃនេះខ្ញុំបានប្រគល់ប្រាក់ចំនួន1030$ អង្ករ សំលៀកបំពាក់ ដែលមិត្តភ័ក្ររៀនជាមួយគ្នាបានប្រមូលថវិការដើម្បីជួយដល់ក្មេងស្រីនៅសៀមរាបឈ្មោះ ឌៀបស្រីនិច ជាសិស្សរៀនពូកែនៅក្នុងសាលាតែអកុសល្យឪពុកស្លាប់ចោលហើយម្តាយឈឺធ្ងន់គ្មានប្រាក់ព្យាបាល។ គាត់សូមថ្លែងអំណរគុណដល់មិត្តយើងទាំងអស់គ្នានិងជូនពរមិត្តទាំងអស់អោយមានសុខភាពល្អ ប្រកបមុខរបរអោយរីកចំរើនទៅមុខរហូតមន្ត្រីរាជការសូមអោយឡើងស័ក្តឡើងតំណែងទាំងអស់គ្នា។ សូមថ្លែងអំណរគុណដល់បងប្រុស លីសុីនហួនធ្វើការនៅក្រុមហ៊ុនហង្សមាសនិងសមាគមឧត្តមគតិកូនខ្មែរដែលបានជួយផ្សព្វផ្សាយពត៌មានបង្ហោះតាមហ្វេសបុកនិងបានទៅស្វែងរកក្មេងស្រីនេះដល់លំនៅដ្ឋាន។"
"
ហាមលួចចម្លងអត្ថបទរបស់យើងខ្ញុំ បើមិនដូចនេះទេអ្នកនឹងទទួលខុសត្រូវមុខច្បាប់
Post a Comment