ទីបំផុតលោក ខៃ ប្រសិទ្ធ បានជិះយន្តហោះទៅជួបកញ្ញា ពេជ្រ ចរណៃហើយ ព្រមទាំងប្រគល់ថវិការយ៉ាងច្រើន ដែលសឹងតែនឹកស្មានមិនដល់

តារាសម្ដែង កញ្ញា ពេជ្រ ចរណៃ បានដេកសម្រាកនៅព្យាបាលនៅមន្ទីពេទ្រប្រទេសថៃ ដោយត្រូវបានគេដឹងថា ដូចដេកចាំថ្ងៃស្លាប់ ដោយសារគ្មានលទ្ធភាពក្នុងការព្យាបាលជម្ងឺ ប៉ុន្ដែជីវិតកញ្ញា ពេជ្រ ចរណៃ ហាក់មានរស្មី និងក្ដីសង្ឃឹមឡើងវិញ ខណៈតារាសម្ដែងជើងចាស់ លោក ខៃ ប្រសិទ្ធ ដែលតែងតែមានចិត្តធម៌ បានមកជួយសង្រ្គោះជីវិតរបស់នាង ដោយចេញថ្លៃព្យាបាលនាងទាំងស្រុង និងមកសួរសុខទុក្ខនាងដល់ប្រទេសថៃទៀតផង ខណៈពេលដែរមន្ទីរពេទ្យថៃនេះក៏បានប្រាប់ឲ្យដឹងដែរថា បើសិនជាគ្មានលទ្ធភាពក៏ពួកគេនៅព្យាបាលផងដែរ ហើយអាចសងតាមដំណាក់កាលក្រោយៗទៀតក៏បាន។

កញ្ញា ពេជ្រ ចរណៃ បានថ្លែងប្រាប់ទាំងចិត្តរំភើប នៅថ្ងៃទី១០ ខែធ្នូ ឆ្នាំ២០១៧ ថា «លោក ខៃ ប្រសិទ្ធ បានមកដល់មន្ទីពេទ្រនៅប្រទេសថៃដែលខ្ញុំវះកាត់ ហើយតម្លៃវះកាត់ចំនួន ១៨០០០ ដុល្លារអាមេរិក ក្រោយមន្ទីពេទ្របញ្ចុះតម្លៃឲ្យ តែនៅមិនទាន់មានលទ្ធភាពធ្វើការបង់ឲ្យថ្លៃពេទ្រនៅឡើយ ភ្លាមនោះលោក ខៃ ប្រសិទ្ធក៏ផ្ដល់ទឹកប្រាក់ចំនួន ១៨០០០ ដុល្លារ ឲ្យនាងខ្ញុំចេញថ្លៃពេទ្រតែម្ដង»។

កញ្ញាបានបន្តទៀតថា ខ្លួនជំពាក់ជីវិតមួយដ៏ធំនឹងលោក ខៃប្រសិទ្ធ តែនាងថា លោកបានប្រកាសមិនចង់ឲ្យនាងតបស្នងក្នុងលក្ខខណ្ឌណាមួយនោះទេ គឺសុំតែឲ្យនាងមានជីវិតរស់ ហើយបានបន្តអាជីពជាអ្នកសិល្បៈ ដែលនាងស្រឡាញ់ពេញចិត្តលោកណាស់ហើយ។

ជារឿងមួយធ្វើឲ្យមហាជនកោតសរសើរ និងរំភើបចិត្តជាខ្លាំងពេលឃើញ លោក ខៃ ប្រសិទ្ធ មានចិត្តសន្តោសប្រណីបែបនេះ ជាពិសេសលោកបានជួយដល់មនុស្សដែលត្រូវការជាបន្ទាប់ ពោលគឺប្រៀបបាននឹងជួយជីវិតកញ្ញា ពេជ្រ ចរណៃ ទាំងស្រុងតែម្ដង ព្រោះគ្រាន់តែឃើញព័ត៌មានចុះផ្សាយ និងមានការចែករំលែកព័ត៌មានយ៉ាងព្រោងព្រាត តាមប្រព័ន្ធសង្គមហ្វេសប៊ុករួមមក ធ្វើឲ្យតារាចិត្តធម៌ លោក ខៃ ប្រសិទ្ធ មើលនឹងភ្នែកមិនបាន ក៏សម្រចចិត្តជិះយន្តហោះពីប្រទេសអូស្រ្តាលី មកជួយចេញថ្លៃព្យាបាល និងសួរសុខទុក្ខ ពេជ្រ ចរណៃ ដល់ប្រទេសថៃតែម្តង។

ក្នុងនោះផងដែរ លោក ខៃ ប្រសិទ្ធ ក៏បានថ្លែងបន្តថា លោក មិនមែនជាអ្នកមានប្រាក់ច្រើនអីណាស់ណានោះទេ ប៉ុន្ដែលោកមិនអាចបិទភ្នែក មិនជួយនាងមិនបានទេ ជាពិសេសនៅពេលដែលលោកដឹងថា នាងមានបញ្ហាត្រូវសង្រ្គោះ ហើយលុយទាំងនេះសុទ្ធសឹងតែជាលុយ ដែលលោកស្វះស្វែងរកដោយលំបាក៕