ទោះដល់ទីណាក៏នៅតែតាមរកឲ្យឃើញដែរ!!! លង់ស្រឡាញ់អូនតាមទូរស័ព្ទ តែពេលមកជួបមុខស្រាប់តែ....(មានវីដេអូ)

ព្រះវិហារ៖ សេចក្តីស្រឡាញ់ពីមនុស្សម្នាក់ទៅកាន់មនុស្សម្នាក់ទៀតពិតជាមានន័យធំធេងណាស់ ហើយអ្វីដែលសំខាន់នោះគឺសេចក្តីស្រឡាញ់ពិតប្រាកដ បើទោះបីជាអ្នកដែលខ្លួនស្រឡាញ់នោះមានរូបរាង យ៉ាងណាក៏ដោយ ក៏នៅតែស្រឡាញ់។

ជាក់ស្តែងកាលពីពេលថ្មីៗនេះគេឃើញមានបុរសម្នាក់បានធ្វើដំណើរចេញពីខេត្តព្រះវិហារ តាមរកនារីម្នាក់ដល់បានជួបដូចបំណង ប៉ុន្តែខាងស្រីវិញហាក់ដូចនៅស្ទាក់ស្ទើរ ភិតភ័យស្ទើរតែមិនហ៊ានពោលពាក្យថាស្រឡាញ់ទៅកាន់បុរសនោះវិញសោះ។ ក្នុងនោះផងដែរបុរសនោះ បានរៀបរាប់ថា «ខ្ញុំបានស្កាត់មករកដោយមិនគិតស្លាប់រស់ព្រោះស្រលាញ់នាងខ្លាំង»។

លោកក៏បានបន្តទៀតថា «ខ្ញុំបានទិញវត្ថុអនុស្សាវរីយ៍ជាច្រើនជូនគាត់ដែលមានដូចជា ខោក្នុង អាវទ្រនាប់ជាដើម»។ ក្រឡេកមកមើល នារីតួឯកស្រីវិញ គ្រាន់តែឮបែបនេះភ្លាមស្រាប់តែមុខឡើងក្រហមតែម្តង រកនឹកពាក្យអ្វីនិយាយមិនចេញ។

ចំពោះរឿងរ៉ាវមួយនេះដំណើរដើមទងដំបូងត្រូវបានគេដឹងថា អ្នកទាំងពីរស្រលាញ់គ្នាតាមទូរស័ព្ទ មិនដែលស្គាល់មុខគ្នាទេពីមុននោះ ហើយនៅថ្ងៃបុណ្យណូអែល បុរសនោះដាច់ចិត្តតាមរកសំណប់ចិត្តដល់ផ្ទះ តែសំណប់ចិត្តធ្វើដូចមិនស្គាល់ ព្រោះនាងអៀនពេក៕