កុំភ្លេចចូលទិញពួកគាត់ផងណា បើជិះកាត់ទីនេះ គឺរបស់ធម្មជាតិពិតៗតែម្តង

កាលពីម្សិលមិញនេះគេឃើញក្នុងហ្វេស​ប៊ុករបស់បងប្រុសម្នាក់ឈ្មោះ Phou Sambo គាត់បានបង្ហោះសារ ព្រមទាំងរូបភាពមួយចំនួន ដែលបានសម្តែងចេញនូវអារម្មណ៍ចេះចែករំលែករបស់ធម្មជាតិជូនបងប្អូនយើងទាំងអស់គ្នា ជាពិសេសអ្នកដែលបានធ្វើដំណើរឆ្លងកាត់ផ្លូវជាតិលេខ៣តែម្តង ដោយក្នុងនោះបងប្រុសម្នាក់នេះបានសរសេររៀបរាប់ថា៖ 

"ផ្លូវជាតិលេខ ៣ភ្នំពេញ កំពត ស្រុកឈូកយើងហ្នឹងផ្សារចិញ្ចើមផ្លូវទេតែរបស់ល្អ សុទ្ធតែរបស់ធម្មជាតិ បងប្អូនដែលធ្វើដំណើរឆ្លងកាត់កុំភ្លេចជួយទិញគាត់ផង"

បន្ទាប់ពីឃើញបងប្រុសខាងលើបង្ហោះរួចមក ក៏មានមិត្តរបស់គាត់ចូល comment ជាច្រើនដោយសម្តែងនូវការគំាទ្រជាខ្លាំងចំពោះការបង្ហោះរបស់បងប្រុសម្នាក់នេះ ដោយអ្នកខ្លះនិយាយថាខ្ញុំចូលចិត្តរបស់នេះ អ្នកខ្លះថារបស់នោះ ហើយក៏នៅមាន comment ល្អៗជាច្រើនទៀតផងដែរ។

ក្នុងនោះផងដែរគេក៏ឃើញមានបងប្រុសផ្សេងម្នាក់ទៀតឈ្មោះ Lychhou Vibol គាត់បាន Tag ជូនបងប្រុសខាងលើ ព្រមជាមួយសារដោយសរសេរថា៖ "សូមសរសើរពុកម៉ែបងប្អូនអ្នកកំពត ស្រុក​ឈូក ដែលស្រឡាញ់បរិស្ថានបានប្រើ​ស្លឹក​ឈូក ស្លឹកចេក ជំនួសថង់​ប្លាស្ទិកក្នុងការ​វេចខ្ចប់ បន្លែ ត្រី សាច់ ។

បរិស្ថាន​ ជាជីវិត!
បរិស្ថាន​ល្អ សុខភាពល្អ ជីវិតបវររុងរឿង!
អរគុណបង Phou Sambo ដែលបាន​ផ្តិតយករូបភាព និង​ចែករំលែករូបភាព​។"

ដូចនេះប្រសិនបើបងប្អូនណាជិះកាត់នៅទីនោះ សូមកុំភ្លេចចូលទិញពួកគាត់ផង ជាពិសេសរបស់ដែលពួកគាត់លក់ទាំងអស់នេះ សុទ្ធតែជារបស់ធម្មជាតិ៕