ពាក្យមួយឃ្លារបស់ប៉ូលីសម្នាក់ ចាក់ដោតខ្លាំង ដល់មន្ត្រីមួយចំនួនដែលមិនគោរពច្បាប់ចរាចរណ៍ (មានវីដេអូអប់រំចំៗម៉ង)
កាលពីពីព្រឹកថ្ងៃទី០៥ ខែមករា ឆ្នាំ២០១៨ កន្លងមកនេះ លោកនាយឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិ បានដឹកនាំប្រតិបត្តិការអនុវត្តន៍ច្បាប់ចរាចរណ៍ផ្លូវគោក នៅក្នុងរាជធានីភ្នំពេញ ដោយមានកងកម្លាំងអន្តរាគមន៍ពិសេសចូលរួមផងដែរ។
លោកឧត្តមសេនីយ៍ត្រី ចេវ ហាក់ ស្នងការរងនគរបាលជាតិ បានឲ្យដឹងផងដែរថា ការចុះអនុវត្តច្បាប់ចរាចរណ៍ផ្លូវគោក នៅព្រឹកថ្ងៃទី០៥ ខែមករា គឺចុះអនុវត្តទាំង១២ខណ្ឌ។ ចំពោះការចុះរឹតបន្តឹងច្បាប់ចរាចរណ៍ គឺត្រួតពិនិត្យលើអ្នកធ្វើដំណើរមិនពាក់មួកសុវត្ថិភាព និងអ្នកជិះបញ្ច្រាស ជាដើម។
ក្នុងនោះផងដែរកាលពីថ្ងៃទី១៦ ខែមករា ឆ្នាំ២០១៨ គេឃើញប៉ូលីសចរាចរណ៍មួយរូប បានឃាត់ម៉ូតូរបស់មន្ត្រី២នាក់ ក្នុងឯកសណ្ឋាននគរបាលព្រោះក្នុងចំណោមពីរនាក់គាត់គឺមានម្នាក់ដែលគ្មានមួកសុវត្ថិភាព ដោយពួកគាត់កំពុងធ្វើដំណើរតាមបណ្ដោយផ្លូវជាតិលេខ៥ នៅក្នុងខណ្ឌឫស្សីកែវ ជាប់មាត់ទន្ល។
ប៉ូលីសចរាចរណ៍រូបនោះ បានពោលសម្ដីមួយឃ្លាអមនូវការណែនាំទៅកាន់មន្ត្រីពីររូបនោះថា «យើងជាសមត្ថកិច្ច យើងជាអ្នកអនុវត្តច្បាប់មុនគេ... អ៊ីចឹងកាលណាយើងត្រួតពិនិត្យប្រជាពលរដ្ឋ ដាច់ខាតយើងត្រូវត្រួតពិនិត្យខ្លួនយើងបានបំពេញលក្ខន្តិកហើយឬនៅ... សូមអធ្យាស្រ័យ អនុវត្តច្បាប់ទាំងអស់គ្នា» ៕
ហាមលួចចម្លងអត្ថបទរបស់យើងខ្ញុំ បើមិនដូចនេះទេអ្នកនឹងទទួលខុសត្រូវមុខច្បាប់។
រក្សាសិទ្ធិដោយ kampuchea1979.blogspot.com
Post a Comment