ពិតជាហេងមែន ប្អូនស្រី សុខ សុជាតា មិនត្រឹមតែបានជួប សម្តេចទេ ថែមទាំងបានថវិកាច្រើនទៀតផង

តារាចម្រៀងវ័យក្មេង និងជាអតីតបេក្ខភាព The Voice Kids រដូវកាលទីមួយ១ទាំងបួនរូបពេជ្រ ថៃ ឡុង លីគ័ង្គ រ៉នចាន់ឌីន សុខ សុជាតា បានជួបជាមួយនឹងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ព្រមទាំងលោកជំទាវ ធ្វើឲ្យពួកគេបញ្ចេញនូវភាពសប្បាយរីករាយ នៅក្នុងបណ្តាញសង្គមយ៉ាងខ្លាំង កាលពីពេលថ្មីៗនេះ។

ក្នុងនោះផងដែរ មិនត្រឹមតែពួកគេសប្បាយចិត្តប៉ុណ្ណោះទេ សូម្បីតែអ្នកគាំទ្រមួយចំនួនក៏សប្បាយចិត្តចំពោះពួកគេខ្លាំងមិនស្ទើរដែរ ដោយសារតែពួកគេនៅក្មេងមានទាំងសមត្ថភាព និងទេពកោល្យ ថែមទាំងបានជួបនឹងអ្នកដឹកនាំប្រទេសដ៏អស្ចារ្យ និងគួរឲ្យគោរពសម្តេច តេជោ ហ៊ុន សែន មិនចាញ់តារាល្បីៗផ្សេងទៀតឡើយ នេះបានបង្ហាញផងដែរថា ពួកគេពិតជាមានកិត្តិយសខ្លាំងណាស់។

ស្រាប់តែថ្ងៃនេះគេឃើញក្នុងហ្វេសប៊ុករបស់ប្អូនស្រី សុខ សុជាតាបានបង្ហោះរូបភាពជាមួយនឹងសម្តេច និងលោកជំទាវ ជាមួយនឹងសារថ្លែងអំណរគុណ និងបញ្ចេញភាពរីករាយ ក្រោយបានទទួលថវិកា១០០០ដុល្លារពីសម្តេច។

ដោយប្អូនស្រីបានសរសេរថា៖« ចៅសូមអរគុណ លោកតាសម្ដេច និងលោកយាយជំទាវដែលបានឧបត្ថម្ភប្រាក់ចំនួន១០០០$ដុល្លាដល់ចៅ ក្នុងពីធីជប់លៀងមង្គលការកាលពីយប់ម៉ិញ ចៅសូមជូនពរលោកតា សម្ដេច និងលោកយាយជំទាវ មានសុខភាពល្អកំលាំងមាំមួន អាយុយឺនយូរ 🙏🏻🙏🏻🙏🏻😊😍😍»៕