ព្រោះតែគ្រូភ្លេចហៅចូលក្នុងថ្នាក់វិញ ទើបធ្វើឲ្យក្មេងស្រីអាយុ៣ឆ្នាំនេះ ស្លាប់យ៉ាងវេទនាដូចនេះ

បើយោងតាមគេហទំព័របរទេសមួយឈ្មោះ http://www.dailymail.co.uk ដែលបានចុះផ្សាយរឿងដ៏រន្ធត់មួយកាលពីថ្ងៃទី១៦ ខែកុម្ភៈ ឆ្នាំ២០១៨ ដែលទើបតែកន្លងផុតទៅថ្មីៗ គឺមានក្មេងស្រីម្នាក់អាយុ៣ឆ្នំា បានស្លាប់ក្រោមសីតុណ្ហភាពដក៥អង្សាសេ ដោយសារតែគ្រូភ្លេចហៅចូលក្នុងថ្នាក់រៀនវិញនៅពេលដែលពួកគេចេញលេង។

ក្មេងស្រីម្នាក់នេះមានឈ្មោះថា Zakhra Rzayeva គេបានរកឃើញក្មេងនេះនៅលើគំនរព្រិលខ្ពស់ នៅទីធ្លាសាលាមត្តេយ្យដែលនាងបានទៅរៀង នៅទីក្រុងម៉ូស្គូ។ ហើយសាលាមត្តេយ្យមួយនេះ ត្រូវបានគេស្គាល់ថា មានលេខ ២១២០។ ចំណែកខាងគ្រូបានប្រាប់ឲ្យដឹងថា នេះមកពីភ្លេចហៅនាងចូលថ្នាក់វិញ បានទៅជាបែបនេះ ដោយគាត់ស្មានតែសិស្សគ្រប់គ្នាចូលក្នុងថ្នាក់អស់ហើយ តែមិននឹងស្មានសោះថា ភ្លេចនាងម្នាក់នៅខាងក្រៅម្នាក់ទៀត។ ក្រោយពេល២ម៉ោងទៅហើយ ទើបនឹកឃើញ ហើយទៅរកមើល។ នេះយឺតពេលបាត់ទៅហើយ បើទោះបីជាខំហៅឡានសង្គ្រោះបន្ទាន់មកក៏ដោយ។

Rizvan Rzayev និង Gulnara Shakhadat ដែលជាម្តាយឪពុករបស់ក្មេងស្រីរន្ធត់ដល់ថ្នាក់និយាយអ្វីមិនចេញ។ ស្របពេលភ្លាមៗនោះមិត្តភ័ក្តរបស់គ្រួសារក្មេងស្រីនេះឈ្មោះ Ramil Gadzhiyev បាននិយាយថា ក្មេងស្រីដែលស្លាប់នេះមានអាការៈចម្លែកនៅប៉ុន្មានសប្តាហ៍មុនពេលស្លាប់ ដោយនាងតែងតែមិនចង់មកសាលា ព្រោះខ្លាចគ្រូ ដោយមិនដឹងថាគ្រូម្នាក់នេះបានធ្វើអ្វីដល់សិស្សទេបានជាគាត់គិតបែបនេះ។

នៅពេលនេះប៉ូលិសកំពុងធ្វើការស៊ើបអង្កេត ដើម្បីរកមូលហេតុស្លាប់ជាក់លាក់មួយដើម្បីឲ្យដឹងពិតប្រាកដ។ វាពិតជាគួរឲ្យអាណិតណាស់ ដែលក្មេងស្រីម្នាក់មកស្លាប់យ៉ាងវេទនាបែបនេះទៅវិញ៕