ខ្លាំងនៅតែខ្លាំង!!! ប្អូនប្រុស ឡុង លីគ័ង្គ ស្រែកឡើងកក្រើកឆាកតន្ត្រីទៀតហើយ (មានវីដេអូ)

ប្រហែលជា១ម៉ោងមុននេះគេឃើញហ្វេសប៊ុកផេកផ្លូវការមួយឈ្មោះ Hang Meas HDTV បានបង្ហោះបទចម្រៀងមួយបទរបស់ប្អូនប្រុស ឡុង លីងគ័ង្គ ដែលបានបកស្រាយនូវបទចម្រៀងមួយបទក្រោមចំណងជើងថា "បាក់ជន្ទល់" ក្នុងកម្មវិធី Ichitan Concert 2018 របស់ស្ថានីយ៍ទូរទស្សន៍ ហង្សមាស។ ក្នុងនោះផងដែរគេឃើញថា បទនេះប្អូនប្រុស លីគ័ង្គ ពិតជាធ្វើបានល្អណាស់ ជាមួយទឹកដមសំនៀង ព្រមទាំងការស្រែកយ៉ាងខ្លាំង។

គ្រាន់តែបានស្តាប់បទមួយនេះហើយ ​បានធ្វើឲ្យមហាជនលាន់មាត់ស្ទើរតែគ្រប់ៗគ្នាថា ប្អូនប្រុសម្នាក់នេះនៅតែរក្សានូវទឹកដមសំនៀងដដែល មិនត្រឹមតែប៉ុណ្ណោះទេ ប្អូនប្រុសម្នាក់នេះពិតជាមានរូបរាងសង្ហាណាស់ ជាមួយការតុបតែងខ្លួនដ៏ល្អឥតខ្ចោះ។

គួរបញ្ជាក់ផងដែរថាមួយរយៈចុងក្រោយនេះ គេសង្កេតឃើញ លីគ័ង្គ ដែលជាអតីតបេក្ខភាពកម្មវិធីប្រឡងចម្រៀងលំដាប់ពិភពលោក The Voice Kid Cambodia ហាក់កំពុងតែឡើងកូដយ៉ាងខ្លាំង ដោយសារគេតែងតែឃើញវត្តមានរបស់ប្អូនប្រុសឡើងច្រៀងតាមកម្មវិធីធំៗជាច្រើនទាំងនៅក្នុងរាជធានីភ្នំពេញ និងនៅតាមបណ្តាខេត្ត ហើយថ្មីៗនេះថែមទាំងច្រៀងតាមពិធីមង្គលការទៀតផង៕

***ហាមលួចចម្លងអត្ថបទរបស់យើងខ្ញុំ បើមិនដូចនេះទេអ្នកនឹងទទួលខុសត្រូវមុខច្បាប់។
រក្សាសិទ្ធិដោយ kampuchea1979.blogspot.com