គួរឲ្យអាណិត លោក ម៉ៃ សុគន្ធ ណាស់ ដែលជួបរឿងស៊យ ដោយសារចោរម្នាក់នេះ

មួយរយៈចុងក្រោយនេះគេឃើញមានមនុស្សជាច្រើនហាក់ផ្តោតអារម្មណ៍លើតារាចម្រៀងម្នាក់ឈ្មោះ លោក ម៉ៃ សុគន្ធ ជាខ្លាំង ទាំងរឿងល្អ និងមិនល្អ ដោយក្នុងនោះលោក សុគន្ធ ក៏តែងតែធ្វើការរិះគន់នូវរឿងមួយចំនួនដែលលោកមិនពេញផងដែរ ជាពិសេសរឿងរ៉ាវដែលទាក់ទងក្នុងវិស័យសិល្បៈភាគច្រើន ហើយក៏មានអ្នកគាំទ្រ និងមិនគាំទ្រលោកផងដែរ ជាមួយការ comment ផ្សេងៗប្រកបដោយសេចក្តីថ្លៃថ្នូរ។ ក្នុងនោះផងដែរ គេក៏មិនបានឃើញលោក ម៉ៃ សុគន្ធ ឆ្លើយឆ្លងទៅកាន់ comment មួយចំនួនមកកាន់នោះទេ។

ចំណែកក្នុងថ្ងៃនេះវិញ លោកបានបង្ហោះសារប៉ុន្មានម៉ាត់ទៀតហើយ ជាមួយរូបភាពមួយសន្លឹក តែលោកមិនបានរិះគន់នរណាម្នាក់ទៀតឡើយ គ្រាន់តែលោកចង់ប្រាប់ដំណឹងមួយនេះជូនមិត្តក្នុងហ្វេសប៊ុកឲ្យជ្រាបតែប៉ុណ្ណោះ ព្រោះលោកបានជួបរឿងស៊យមួយ កាលពីវេលាម៉ោងជាង ១ រសៀល នាថ្ងៃទី២៥ ខែកុម្ភៈ ឆ្នាំ២០១៨ នេះតែម្តង ក្នុងនោះលោកបានសរសេរថា៖ "សាំហ្មង លោកចោរលួចកញ្ចក់មួយចំហៀងធ្វើអី បើជ្រុលលួចមិនយកទាំងសងខាងទៅ បានល្អ😂😂😂កៅឆាយអែងហ្មងលោកចោរ😜😎"

បន្ទាប់ពីឃើញសាររបស់លោកហើយក៏មានមិត្តក្នុងហ្វេសប៊ុកមួយចំនួនសរសេរឆ្លើយឆ្លងបែបលេងសើចថា "មែននុង​ ចោរនៅស្ទើរៗ" ហើយលោកក៏ឆ្លើយវិញភ្លាមផងដែរថា៖ "មែនតាសបង មិនយកទាំងពីរទៅ ស្រួលទិញថ្មី" ជាមួយការឆ្លើយឆ្លងចុងក្រោយនៃមិត្តដដែលនេះបានតបថា៖ "មកពីគេគិតថា​ ចាំអោយមកពីអូស្ត្រាលី​ លើកទីពីរទេដឹង​ បានកាច់ម្ខាងទៀត😛"។ ហើយក៏នៅមានមិត្តផ្សេងៗទៀតបានឆ្លើយឆ្លងលេងសើចជាមួយលោកផងដែរ៕