ពិតជាមិននឹកស្មានដល់ថាគណកម្មាការធ្វើឲ្យ បេក្ខនារី លីន សោម៉ា ស្រក់ទឹកភ្នែកបែបនេះសោះ (មានវីដេអូ)

ពីមួយវគ្គទៅមួយវគ្គបេក្ខនារី លីន សោម៉ាពិតជាធ្វើបានល្អណាស់ រហូតឈានដល់វគ្គ Green Miles កាលពីយប់មិញនេះទៀត ដោយប្អូនម្នាក់នេះបានលើកយកបទចម្រៀងមួយបទក្រោមចំណងជើងថា ចេះតែស្រមៃ ក្នុងកម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី ៣។

ប្អូនស្រីម្នាក់នេះពិតជាធ្វើបានល្អខ្លាំងណាស់ជាមួយកាយវិការ ទឹកដមសម្លេងយ៉ាងពិរោះរណ្តំ ហើយមិនត្រឹមតែប៉ុណ្ណោះទេប្អូនបានធ្វើឲ្យអ្នកទស្សនាជាច្រើនបានស្វាគមន៍យ៉ាងខ្លាំងថែមទៀតផង។ រហូតមកដល់វគ្គស្តាប់លទ្ធផលវិញម្តង គណកម្មាការបាននិយាយជាច្រើនរហូតធ្វើឲ្យបេក្ខនារីម្នាក់នេះយំក្នុងន័យអស់សង្ឃឹមទៅហើយ តែទីបំផុតលោក ឆន សុវណ្ណារាជ បានប្រាប់ថា "ជួបគ្នានៅវគ្គ Live Show ជាបន្តទៀត"។ ទីបំផុតអ្វីៗក៏បានប្រែក្លាយទៅជាល្អវិញ ដូចនេះ លីន សោម៉ា​ នឹងបង្ហាញខ្លួនជាថ្មីម្តងទៀតក្នុងវគ្គ Live Show។

គួររំលឹកឡើងវិញផងដែរថា ប្អូនស្រី លីន សោម៉ា គឺជាបេក្ខនារីមួយរូបដែលធ្លាប់បានទទួលជ័យលាភីជាជើងឯកក្នុងកម្មវិធី ផ្កាយរះក្នុងសួន ដែលរៀបចំឡើងដោយស្ថានីយ៍ទូរទស្សន៍អប្សរាកាលពីថ្ងៃទី១៤ ខែមករា ឆ្នាំ២០១៧ កាលពីឆ្នាំមុននេះ៕