ប្រពន្ធស្រែកយំចង់គាំងបេះដូង ខំដាស់ប្តីឲ្យក្រោកឡើង រីឯម្តាយយំរហូតដល់សន្លប់បាត់ស្មារតីទៀត (មានវីដេអូដ៏រន្ធត់)
មានហេតុការណ៍មួយដ៏រន្ធត់បានកើតឡើងនៅវេលាម៉ោង១១យប់ ថ្ងៃទី១៦ ខែកុម្ភៈ ឆ្នាំ២០១៨ ផ្ទះលេខ២៧៦A យីហោ យានដ្ឋានប៉េកាំង ជួសជុលម៉ាស៊ីន គ្រឿងក្រោម គ្រប់ប្រភេទ ផ្លូវបេតុ បុរីសូនី ភូមិឬស្សី២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ដោយបុរសម្នាក់ សង្ស័យស្រវឹងស្រាបានជិះម៉ូតូ សណ្តោងរឺម៉ករេចង្កូតទៅខាងឆ្វេងដៃជ្រុលទៅបុក និងស្លាកប៉ាណូយានដ្ឋានយីហោ “ប៉េកាំង” ជួសជុល ម៉ាស៊ីន និងគ្រឿងក្រោម បណ្តាលអោយអ្នកបើកមូតូសណ្ដោងរឺម៉កបោកក្បាលជាមួយស្លាកប៉ាណូ បាក់ករ ស្លាប់ នៅនិងកន្លែងភ្លាមៗ។
សពជនរងគ្រោះមានឈ្មោះ ហ៊ីម ប៉ុននឿន ភេទប្រុស អាយុ២៩ឆ្នាំ មុខរបប កម្មករកាត់កញ្ចក់ ស្នាក់នៅផ្ទះជួលម្តុំស្ពានដែកចំការដូង ភូមិឬស្សី សង្កាត់ស្ទឹងមានជ័យ ខណ្ឌមានជ័យ និងមានស្រុកកំណើតនៅ ភូមិបាស្រែ ឃុំបាស្រែ ស្រុក អង្គរបុរី ខេត្តតាកែវ។
បើតាមប្រភព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញ បុរសខាងលើមិន មិនដឹងថាចេញពីផឹកនៅកន្លែងណានោះទេ គឺបានជិះម៉ូតូ សណ្តោងរឺម៉កបានធ្វើដំណើរតាមផ្លូវ បេតុងបុរីសូនី ក្នុងទិសដៅ ពីលិចទៅកើត ក្នុងល្បឿនលឿន ព្រមទាំងស្រវឹងផងនោះ ខណះមកដល់ចំនុចកើតហេតុ បានរេចង្កូតទៅខាងឆ្វេងដៃ ជ្រុលទៅបុកនិងស្លាកប៉ាណូ យានដ្ឋាន ប៉េកាំង ជួសជុលម៉ាស៊ីន និងគ្រឿងក្រោម បណ្ដាលអោយ បោកក្បាលទៅនិងស្លាកបាណូ របួសបែកក្បាលនិងបាក់ក៍ស្លាប់នៅនៅកន្លែងកើតហេតុភ្លាមៗតែម្ដង។
ប្រភពដដែល បានបន្តទៀតថា បន្ទាប់ពីដឹងថាជនរងគ្រោះ បានស្លាប់ហើយនោះ ក៍ស្រាប់តែ ជនមិនស្គាល់មុខ បានមកជិះយករឺម៉កម៉ូតូទៅបាត់ពីកន្លែងកើតហេតុ ហើយពេលនោះដែរ ដំណឹងនេះបានលឺដល់សមត្ថកិច្ចមូលដ្ឋាននិងក្រុមគ្រួសារ បានចុះទៅកន្លែងកើតហេតុ ធ្វើអោយក្រុមគ្រួសារសាច់ញាតិ ទប់អារម្មណ៍មិនបាន មាន អ្នកខ្លះយំរហូតទាល់តែសន្លប់ បាត់ស្មារតី ក៍មានដែរ ។ ក្រោយពេលកើតហេតុ សមត្ថកិច្ចជំនាញ ខណ្ឌបានចុះទៅកន្លែងកើតហេតុ រួចហើយធ្វើលិខិតប្រគល់សពជនរងគ្រោះអោយ ក្រុមគ្រួសារយកទៅធ្វើបុណ្យនៅស្រុកកំណើត តាមប្រពៃណី៕
Post a Comment