គួរឲ្យអាណិតក្មេងណាស់!!! មិននឹកស្មានស្ត្រីម្នាក់នេះហ៊ានប្រើហិង្សាលើកូនទាំងពីរនាក់របស់ ឧកញ៉ា ឌួង ឆាយ សោះ តែពេលនេះ...

ភ្នំពេញ៖ នៅថ្ងៃទី១៦ ខែកុម្ភៈ ឆ្នាំ២០១៨ វេលាម៉ោង០២និង០០នាទី អធិការដ្ឋាននគរបាលខណ្ឌសែនសុខ បានទទួលឃាត់ខ្លួនជនសង្ស័យម្នាក់ ពីក្រុមគ្រួសារកុមាររងគ្រោះក្នុងករណី ហិង្សាលើកុមារ នៅចំណុចក្នុងផ្ទះគ្មានលេខ ផ្លូវបេតុង ភូមិទ្រុងមាន់ សង្កាត់អូរបែកក្អម ខណ្ឌសែនសុខ ។ ជនសង្ស័យឈ្មោះ ស៊ុំ សុផាន់ណា ភេទស្រី អាយុ២៣ឆ្នាំ បុគ្គលិកលក់ខោអាវ ស្នាក់នៅភូមិទ្រុងមាន់ សង្កាត់អូរបែកក្អម ខណ្ឌសែនសុខ ។
លោកឧកញ៉ា ឌួង ឆាយ ភេទប្រុស អាយុ២៨ឆ្នាំ ស្នាក់នៅផ្ទះលេខ១៥BEO ផ្លូវ១០៥ ភូមិ៣ សង្កាត់បឹងព្រលឹត ខណ្ឌ៧មករា (ត្រូវជាអាណាព្យាបាលកុមាររងគ្រោះចំនួន២នាក់) រួមមាន ៖

១-ឈ្មោះ ឌួង គឹមវិសាល ភេទប្រុស អាយុ៨ឆ្នាំ ស្នាក់នៅផ្ទះលេខ១៥BEO ផ្លូវ១០៥ ភូមិ៣ សង្កាត់បឹងព្រលឹត ខណ្ឌ៧មករា (របួសលើផ្ទៃមុខ) ។
២-ឈ្មោះ ឌួង ម៉ាណាវិត ភេទប្រុស អាយុ៤ឆ្នាំ ស្នាក់នៅផ្ទះលេខ១៥BEO ផ្លូវ១០៥ ភូមិ៣ សង្កាត់បឹងព្រលឹត ខណ្ឌ៧មករា (របួសប្រដាប់ភេទ) ត្រូវបានយកទៅព្យាបាលនៅប្រទេសសឹង្ហបូរី ។

តាមដំណើររឿង ៖ មុនពេលកើតហេតុ ថ្ងៃទី៤-១២-២០១៧ ពេលម្តាយរបស់លោកឧកញ៉ា ឌួង ឆាយ ទៅសហរដ្ឋអាមេរិក គ្មានអ្នកមើលថែទាំងកូន លោកឧកញ៉ា ឌួង ឆាយ បានហៅជនសង្ស័យឲ្យជួយមើលថែទាំកូនទាំង២នាក់ នៅក្នុងផ្ទះស្ថិតនៅភូមិទ្រុងមាន់ សង្កាត់អូរបែកក្អម ខណ្ឌសែនសុខ ។ ពេលមើលថែទាំកុមាររងគ្រោះ ជនសង្ស័យបាននិយាយទៅក្មេងទាំង២នាក់ តែក្មេងទាំង២នាក់មិនស្តាប់ ជនសង្ស័យបានក្តិចមូលកុមាររងគ្រោះ ឈ្មោះ ឌួង គឹមវិសាល ហើយជនសង្ស័យបានក្តិចមួលប្រដាប់ភេទ កុមាររងគ្រោះ ឌួង ម៉ាណាវិត ។

បន្ទាប់មកលោកឧកញ្ញា ឌួង ឆាយ បាននាំកុមាររងគ្រោះឈ្មោះ ដួង ម៉ាណាវិត ទៅព្យាបាលនៅប្រទេសសឹង្ហបូរី ។ លុះដល់ថ្ងៃទី១៦ ខែកុម្ភៈ ឆ្នាំ២០១៨ វេលាម៉ោង ២និង០០នាទី លោកឧកញ៉ា ឌួង ឆាយ បាននាំខ្លួនជនសង្ស័យប្រគល់ឲ្យអធិការដ្ឋាននគរបាលខណ្ឌសែនសុខ ធ្វើការសាកសួរតែម្តង ។ បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕