ពិតជាមិនធម្មតាមែន បេក្ខនារី លីន សោម៉ា ដោយច្រៀងរហូតធ្វើឲ្យលោក ឆន សុវណ្ណារាជ ច្រៀងតាមទៀត (មានវីដេអូ)

ពីមួយវគ្គទៅមួយវគ្គបេក្ខនារី លីន សោម៉ា ពិតជាធ្វើបានល្អណាស់ រហូតឈានដល់វគ្គ Live Show សប្តាហ៍ទី២ កាលពីយប់មិញនេះទៀត ដោយប្អូនម្នាក់នេះបានលើកយកបទចម្រៀងមួយបទក្រោមចំណងជើងថា "ដល់វេលាត្រូវសារភាព " ក្នុងកម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី ៣។ ដែលវគ្គមួយនេះពិតជាពិសេសមែនទែន ព្រោះធ្វើការ Live បន្តផ្ទាល់តែម្តងនូវអ្វីដែលបេក្ខជន បេក្ខនារីទាំងអស់ឡើងប្រឡង។

ប្អូនស្រីម្នាក់នេះពិតជាធ្វើបានល្អខ្លាំងណាស់ជាមួយកាយវិការ ទឹកដមសម្លេងយ៉ាងពិរោះរណ្តំ ហើយមិនត្រឹមតែប៉ុណ្ណោះទេប្អូនបានធ្វើឲ្យអ្នកទស្សនាជាច្រើនបានស្វាគមន៍យ៉ាងខ្លាំងថែមទៀតផង ហើយមួយវិញទៀតអ្វីដែលរឹតតែពិសេសថែមទៀតនោះ ប្អូនស្រីមាឌតូចម្នាក់នេះបានធ្វើឲ្យលោក ឆន សុវណ្ណារាជ និងបេក្ខនារីផ្សេងទៀតបានច្រៀងតាមបទចម្រៀងមួយនេះផងដែរ។

គួររំលឹកឡើងវិញផងដែរថា ប្អូនស្រី លីន សោម៉ា គឺជាបេក្ខនារីមួយរូបដែលធ្លាប់បានទទួលជ័យលាភីជាជើងឯកក្នុងកម្មវិធី ផ្កាយរះក្នុងសួន ដែលរៀបចំឡើងដោយស្ថានីយ៍ទូរទស្សន៍អប្សរាកាលពីថ្ងៃទី១៤ ខែមករា ឆ្នាំ២០១៧ កាលពីឆ្នាំមុននេះ៕