សាររបស់បងប្រុសម្នាក់ ផ្ញើរជូនមន្ទីរពេទ្យមិត្តភាពខ្មែរ-សូវៀត ព្រោះមានទារកម្នាក់ស្ទើរតែបាត់បង់ជីវិតដោយសារតែការហ្វេសប្រហែស (មានវីដេអូ)

កាលពីម្សិលមិញ គេឃើញក្នុងហ្វេសប៊ុករបស់បងប្រុសម្នាក់ឈ្មោះ Savuth Chea គាត់បានបង្ហោះសារមួយ ដែលស្តាប់មើលទៅពិតជារន្ធត់ចិត្តជាខ្លាំង ប្រសិនបើរឿងមួយនេះជារឿងពិតនោះ ព្រោះគាត់ជាអ្នកជួបនូវហេតុការមួយនេះផ្ទាល់តែម្តង ដោយក្នុងនោះបងប្រុសម្នាក់នេះបានបញ្ជាក់យ៉ាងច្បាស់ថា៖

"មន្ទីរពេទ្យខ្មែរសូវៀតបំរើសេវាសាធារណៈ មានការធ្វើប្រហែស ធ្វើឲ្យទារកម្នាក់ដែលទើបនឹងកើតស្ទើរតែបាត់បាត់ជីវិត៖

រឿងដែលអក្រក់បំផុតកើតឡើងចំពោះខ្ញុំ ដែលកើតឡើងពីការធ្វេសប្រហែសយ៉ាងខ្លាំងរបស់ ក្រុមគ្រូពេទ្យមិត្តភាពខ្មែរសូវៀត ដែលយកអាយុជីវិតទារកចាត់ទុកជាការសាកល្បង និងបង្ហាត់បង្រៀនដល់សិស្សចុះកម្មសិក្សា កូនដែលទើបនឹងកើតនៅក្នុងមន្ទីរពេទ្យខ្មែរសូវៀត ត្រូវបានគេបញ្ជូនទៅកាន់កន្លែងថែរទាំទារក (NEO) ទាំងយប់ដោយប្រាប់ថាមានមេរោគក្នុងឈាម ហើយក្រុមគ្រូពេទ្យខាង NEO នឹង បានធ្វើការចាក់សេរ៉ូមទាំងយប់ លុះដល់ព្រឹកឡើងជើងទារកហើមឡើងយ៉ាងខ្លាំងស្ទើរតែផ្ទុះចេញមកក្រៅ ដល់ខ្ញុំសួរពួកលោកអ្នកមានវិជ្ជាជីវៈ ដែលកំពុងបំរើការងារនៅទីនោះ គាត់ប្រាប់ថាមិនអីទេ ថ្ងៃទី១ ក៏ថាមិនអី ថ្ងៃទី៣ ក៏ថាមិនអី រហូតដល់ថ្ងៃចេញ គឺជាថ្ងៃទី១០ ក៏នៅថាមិនអី។

មិនអីតាពួគគេនឹង កុំតែយកទៅកាន់កន្លែងដែលមានវិជ្ជាជីវៈត្រឹមត្រូវ នឹងឆ្លងកាត់ការវៈកាត់អស់រយៈពេល២លើក ព្រមទាំងសម្រាកទីនោះអស់រយៈពេលជិតដប់ថ្ងៃ ប្រកបទៅដោយការយកចិត្តទុកដាក់ខ្ពស់ កុំអីគ្រោះថ្នាក់ដល់អាយុជីវិតទៅបាត់ហើយ សូមបព្ចាក់ថាសាច់ឡើងរលួយយ៉ាងធំ ហើយស៊ីរូងជ្រៅ ត្រូវវៈកាត់ជាសាច់រលួយចោលទាំងអស់។ ខ្ញុំសូមជម្រាបដល់បងប្អូនប្រជាពលរដ្ឋខ្មែរឲ្យបានជ្រាបថា ចុះបើយកទៅមិនទាន់វិញ នរណាជាអ្នកទទួលខុសត្រូវ ហើយហើយសុំពួគគាត់ចេញមុនវិញ គាត់ថាទទួលខុសត្រូវដោយខ្លួនឯង ទាំងនេះជាសម្តីគម្រាមផ្លូវចិត្តអ្នកអាណាព្យាបាលរបស់អ្នកជម្ងឺឬយ៉ាងណា? ចុះដល់មានបញ្ហាអញ្ជឹងវិញមុខពួកគាត់មួយណាជាអ្នកទទួលខុសត្រូវ?

ខ្ញុំសូមជម្រាបពីសេវាសាធារណៈ ដែលធ្វើការបម្រើរាស្រ្តនៅមន្ទីរពេទ្យមិត្តភាពខ្មែរសូវៀតម្តង៖
១៖ បន្ទប់សម្រាលកូន VIP ដែលបង់ពេញថ្លៃ និយាយពីស្ថានភាពបន្ទប់វិញយ៉ាប់រកលេខដាក់គ្មាន សុទ្ធតែសត្វល្អិត នឹងកន្លាត អាចហៅបានថា VIP កន្លាត
២៖ បង់សេវាពេញថ្លៃដើម្បីសម្រាកពេទ្យ តែមិនដឹងជាម៉ោងប៉ុន្មានទេ ទើបពួកគាត់ធ្វើការដើរចាក់ថ្នាំពិតប្រាកដ
៣៖ បើនិយាយពីពាក្យសម្តីវិញ មានក្រុមគ្រូពេទ្យខ្លះមិនប្រកបទៅដោយក្រមសីលធ៌ម័ និងវិជ្ជាជីវៈ ជាអ្នកជួយសង្គ្រោះសោះ

៤៖ ឈ្មោះបន្ទប់ថែរទាំទារក (NEO) តែការពិតជាបន្ទប់យកទារកទៅឲ្យចំណីមុសស៊ី ដោយគ្មានមធ្យោបាយការពារ ហើយទុកឲ្យមាតាបិតាជាអ្នកមើលដោយខ្លួនឯង ប្រហែលជាពួកគាត់យល់ថា អាណាព្យាបាលចេះពេទ្យហើយមើលទៅ បើដឹងអញ្ជឹងមិនចាំបាច់ទៅរកពួកគាត់ទេ
៥៖ ទារកដែលទើបនឹងកើត យើងដឹងហើយថាងាយឆ្លងមេរោគណាស់ ពួកគាត់យកទារកទៅថែរទាំ មាតាបិតាដែលនៅមើលមិនទាំងហ៊ានទាំងពាក់ស្បែកជើងចូលផង តែពួគគាត់វិញពាក់សុទ្ធតែស្បែកជើងប៉ាត់តាដែលដើរដី ចូលក្នុងបន្ទប់ថែរទាំទារក ទាំងបុគ្គលិក និង សិស្សចុះកម្មសិក្សា ពេញៗបន្ទប់

៦៖ ចាក់ម្ជុលខុស នៅឆ្កិះសរសៃទៀត ហើយពេលខ្លះបណ្តយឲ្យសិស្សចុះកម្មសិក្សាធ្វើដោយខ្លួនឯងខុសម្តងហើយ ម្តងទៀត
៧៖ ស៊ីប្រាក់ខែរដ្ឋ ដែលយកចេញពីរាស្រ្ត បើកថ្នាំពេទ្យចេញពីរដ្ឋ ដែលបានចេញពីថវិការជាតិ យកលុយអ្នកជម្ងឺពេញថ្លៃ បំរើសេវាមិនយកចិត្តទុកដាក់ និងធ្វេសប្រហែស តើលោកអ្នកប្រាថ្នាចង់ទៅធ្វើការនៅទីនោះធ្វើអ្វី?

បើប្រៀបធៀបពីមន្ទីរពេទ្យដែលខ្ញុំបាននាំកូនទៅ គឺមានការទទួលខុសត្រូវខ្ពស់ និងប្រកបទៅដោយវិជ្ជាជីវៈ ព្រមទាំងប្រកបទៅដោយមនុស្សធម៌ខ្ពស់ ដែលមិនយកប្រាក់កំរ៉ៃសូម្បីតែមួយរៀលលុយខ្មែរ នោះគឺមន្ទីរពេទ្យកុមារអង្គរ ខេត្តសៀមរាប។ មិនម៉ែនជាអ្នកស៊ីប្រាក់ខែរដ្ឋ តែបំរើរាស្រ្តដោយមានការទទួលខុសត្រូវខ្ពស់ កុំតែបានពួកគាត់មិនដឹងជាកូនទៅជាយ៉ាងណាទេ។ សូមជួយ Share និង Like ដើម្បីឲ្យលោកប្រធានមន្ទីរពេទ្យពិនិត្យមើលសេវាមន្ទីរពេទ្យខ្លួនឯងឡើងវិញ"

ហើយសម្រាប់មកទល់ពេលនេះក៏មិនទាន់ឃើញតំណាងមន្ទីរពេទ្យមួយនេះចេញមកបកស្រាយដែរថាករណីមួយនេះវាជាការពិតដូចអ្វីដែលបងប្រុសខាងលើបានលើកឡើងមែនរឺក៏អត់។ ដូចនេះមានតែរងចាំមើលទាំងអស់គ្នា៕