ក្តៅៗ!!! លទ្ធផលស្គេនក្បាលរបស់លោកបណ្ឌិត ស៊ុយ សារ៉េត បានបង្ហាញហើយ

ប្រហែល១ម៉ោងមុននេះគេឃើញក្នុងហ្វេសប៊ុកផ្លូវការណ៍របស់លោក ផែង វណ្ណៈ បានបង្ហោះសារមួយស្តីពីលទ្ធផលនៃការស្គេនក្បាលរបស់លោក បណ្ឌិត ស៊ុយ សារ៉េត ដោយក្នុងនោះលោក វណ្ណៈបានបញ្ជាក់យ៉ាងច្បាស់ថា៖ "ស្ថានភាពវិវត្តន៍ចុងក្រោយរបស់លោកបណ្ឌិត ស៊ុយ សារ៉េត នៅព្រឹកនេះគឺបានធូរច្រើនហើយ ។ លទ្ធផលស្គេនក្បាលមិនមានអ្វីគ្រោះថ្នាក់ទេ តែលោកត្រូវនៅសំរាកព្យាបាលយូរថ្ងៃទៀតដោយសារតែរបួសបាក់ធ្មេញស្ទើរអស់ របួសមាត់ របួសត្រចៀក របួសរាងកាយ របួសលើផ្ទៃមុខ ។"

បន្ទាប់ពីមើលឃើញអំពើព្រៃផ្សៃនេះ ឯកឧត្តមនាយឧត្ដមសេនីយ៍ ជួន សុវណ្ណ អគ្គស្នងការរង និង ជាស្នងការនគរបាលរាជធានី បានបញ្ជាអោយសមត្ថកិច្ចតាមចាប់ខ្លួនជនបង្ករយកមកផ្ដន្ទារទោសតាមច្បាប់ ។ ចំណែកមេធាវីរបស់លោកបណ្ឌិត ក៏បានរៀបចំពាក្យបណ្ដឹងដាក់ចូលអោយសមត្ថកិច្ចចាត់ការជនល្មើសតាមច្បាប់ផងដែរ។

គួររំលឹកឡើងវិញផងដែរថា បុរសដែលបើករថយន្តបង្កគ្រោះថ្នាក់ចរាចរណ៍តាមដងផ្លូវ ចាប់ពីម្តុំទួលសង្កែ ខណ្ឌប្ញស្សីកែវ រហូតដល់ម្តុំមន្ទីរពេទ្យលោកសង្ឃ ហើយត្រូវបានប្រជាពលរដ្ឋ តាមវាយ និងបំផ្លាញរថយន្តនារសៀលថ្ងៃទី១១ ខែមីនា ឆ្នាំ២០១៨ម្សិលមិញនេះ មានឈ្មោះថា បណ្ឌិត ស៊ុយ សារ៉េត គឺជាសាស្ត្រាចារ្យបង្រៀននៅសាកលវិទ្យាល័យកម្ពុជា មានកូន២នាក់ ប្រុសម្នាក់ និងស្រីម្នាក់ ហើយបន្ទាប់ពីពិនិត្យឃើញស្ថានភាពជំងឺធ្ងន់ធ្ងរ លោកត្រូវបានក្រុមគ្រួសារ បញ្ជូនទៅសង្គ្រោះបន្ទាន់ នៅមន្ទីរពេទ្យប្រទេសវៀតណាម តាំងតែពីយប់មិញ មិនទាន់មានបញ្ហាដល់អាយុជីវិតទេ៕