ស្ទើរតែមិនជឿនឹងភ្នែកទាល់តែសោះ ថាវីឡារបស់អ្នកនាង គង់ សុជាតិ និងលោក ជា វិបុល ធំស្កឹមស្កៃដល់ថ្នាក់នេះ

បន្ទាប់ពី លោក ជា វិបុល ដែលជាពិធីករបានសាងគ្រួសារជាមួយនឹងភរិយា អ្នកនាង គង់ សុជាតិ ឃើញថាតារាទាំងពីរដួងនៅតែបន្តអាជីពជាពិធីការិនី និងពិធីករដដែល។ ស្របពេលជាមួយគ្នានេះដែរ ប្រជាប្រិយភាពរបស់តារាទាំងពីរនេះកាន់តែទទួលបានការគំាទ្ររឹតតែខ្លាំង ព្រមទាំងមានមុខមាត់នៅក្នុងកម្មវិធីធំៗជាច្រើនផងដែរ ហើយបើនិយាយពីជីវិតនៅក្នុងគ្រួសាររបស់អ្នកទាំងពីរកាន់តែមានសុភមង្គល ក្រោយទទួលបានចំណងដៃកូនស្រីដ៏គួរឲ្យស្រលាញ់ម្នាក់។

ក្នុងនោះផងដែរ បើទោះបីជាអ្នកនាង គង់ សុជាតិ មានឈ្មោះបោះសំឡេងច្រើនឆ្នាំក្នុងវិស័យសិល្បៈ ប៉ុន្ដែកន្លងមក ពិធីការិនីរូបនេះ កម្របង្ហាញសម្ភារនិយមណាស់ដូចជា ផ្ទះ ឬរថយន្តទំនើបៗដើម្បីបង្អួតភ្នែកមហាជនណាស់ ។ ទើបតែថ្មីៗនេះ ភរិយាពិធីកររូបសង្ហាលោក ជា វិបុល ស្រាប់តែបង្ហោះរូបថតប៉ុន្មានសន្លឹកលើគណនីហ្វេសប៊ុករបស់ខ្លួន ដោយឈរនៅមុខផ្ទះវីឡាដ៏ធំអស្ចារ្យមួយ ដែលបង្កឱ្យមានការភ្ញាក់ផ្អើល និងចាប់អារម្មណ៍យ៉ាងខ្លាំងពីមហាជន ។

ហើយប្រភេទផ្ទះវីឡាដ៏ធំស្កឹមស្កៃ មានទីធ្លាខាងមុខផ្ទះធំល្វឹងល្វើយគួរឱ្យចង់រស់នៅបំផុត ។ មានការកោតសរសើរសឹងតែគ្រប់មាត់ថា ផ្ទះពិធីការិនីជើងចាស់រូបនេះ ពិតជាធំ ហើយស្អាតមែនទែន ស័ក្ដិសមនឹងឈ្មោះជាតារាល្បីលំដាប់ប្រទេសយ៉ាងពិតប្រាកដ ៕